Кодаленко Нұрғали Қадылбекұлы

Уикипедия — ашық энциклопедиясынан алынған мәлімет
Jump to navigation Jump to search

Кодаленко Нұрғали Қадылбекұлы (1899, Павлодар облысы Баянауыл ауданы Жаманқыстау ауылы – 1933) – қоғам қайраткері. Баянауыл мен Керекудегі орыс-қазақ мектептерінде, Омбы мұғалімдер семинариясында оқыған. 1916 – 18 ж. “Бірлік” ұйымының мүшесі, 1920 – 24 ж. РК(б)П Павлодар уездік камитетінің қазақ-татар секциясының хатшысы, уездік жер бөлімінің меңгерушісі, уездік рев. камитет төрағасының орынбасары, Өскемен (Семей облысы) және Темір (Ақтөбе облысы) уездік атқару к-тінің төрағасы, 1924 – 31 ж. Ақмола губерниясы сотының төрағасы, БК(б)П Ақмола губерниялық камитетінің ұйымдастыру бөлімінің меңгерушісі, Сырдария губ. прокуроры, “Түрксіб” темір жол құрылысы басқармасы бастығының орынбасары, БК(б)П Қазақ өлкелік камитетінің нұсқаушысы, Берікқара ауандық атқару камитетінің төрағасы қызметтерін атқарды. 1931 – 33 ж. “Қарағанды көмір” тресінің кадрлар бөлімінің меңгерушісі болды. Ол алапат аштық жылдары Қарағандыға ағылған қандастарына нақты көмек көрсетті. “Ұлтшыл-байшыл, сәдуақасовшыл ағымының көрнекті өкілі” деген жаламен саяси қуғынға ұшыратылды. 1933 ж. қарашада “ұлтшыл ұйым құрды және қазақ жұмысшыларына айрықша жағдай жасауға әрекеттенді” деген айыппен сотталды. Абақтыда қаза тапты. 1960 ж. 27 сәуірде Қазақ КСР-і Жоғ. Сотының шешімімен ақталды.

Дереккөздер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том