Коллективтік антенна

Уикипедия — ашық энциклопедиясынан алынған мәлімет
Jump to navigation Jump to search

Коллективтік антенна - телевизия және радио стансалары тарататын сигналдарды қабылдауға арналған ортақ антенна.

Антеннаның қолданылуы[өңдеу]

Көп пәтерлі тұрғын үйлер мен мейманханалардығы теледидарлар әдетте Коллективтік антеннаға қосылады. Антеннаның құрамында қабылданған сигналды күшейткіш құрылғы, тармақтық желі мен абоненттік тармақ қорабы болады. Коллективтік антеннада телевизиялық сигналдарды сенімді түрде қабылдауға арналған көп элементті, көп программалы (диапозонды) антенналар пайдаланылады. Бұл антенналар телевизия орталығынан 50-80 км қашықтыққа дейін орналасқан аудандарда сенімді жұмыс істейді. Үйдің шатырында орналасқан антенна көп қабатты үйдің әр қабатында орналастырылған бөлгіш қораппен кабель арқылы жалғастырылады. Антеннадан қабылданған сигнал күшейтіледі. Қораптардан әр үйдегі телидидарларға дейін кабель тартылады. Коллективтік антенна үйлердің шатырына орналастырылған көптеген антенналарды жалғыз антеннамен алмастырады, әрі үйдің сыртқы көркін бұзбайды. [1]

Дереккөздер[өңдеу]

  1. Қазақ Совет Энциклопедиясы, Алматы, 1974ж., 5 том