Кольпит
Кольпит (грек тілінен κόλπος- қынап) немесе вагинит (латын тіліненен vagina –қынап) — қынаптың шырышты қабатының қабынуы. Ауруды тудыртадын қоздырғыштар хламидии, стрептококк, стафилакокк, микоплазма, трихомонада және тағы басқа да қоздырғыштар, сондай-ақ микроағзалардың бірікпелері. Бұл репродуктивті жастағы әйелдерде ең жиі кездесетін қабыну ауруларының бірі.
Қалыпты жағдайда әйел ағзасында қынаптық флора Додерлейн таяқшалары негізінен құралған. Олар бөгде микробтарға қарсы сүт қышқылын бөлумен тазартып отырады. Егер де уақытылы қынаптың шырышты қабатының қабынуын дер кезінде емдемеген жағдайда жатыр өзегі, жатыр, жатыр қосалқыларының қабыну ауруларымен асқынуына және ауру аясы әйел бедеулігіне әкеледі.
Клиникалық көрінісі:[өңдеу | қайнарын өңдеу]
Аурудың жедел сатысында науқас қынаптағы қышу, ашыту, жыныс жолдарынан іріңді-серозды бөліністердің бөлінуіне, сонымен қатар жыныстық қатынас кезінде қынаптағы ауырсыну сезіміне (диспареуния) шағымданады. Гинекологиялық зерттеуде, қынапты айнамен қарағанда қынаптың шырышты қабатының қызаруын, бір затты тигізгенде зақымдануын, серозды немесе іріңді бөліністерімен жабылуын көрінеді. Уақытылы емделмеген жағдайда шырышты қабаттың эрозиясы және жарасы (язва) дамиды.
Ауру созылмалы түріне өткенде қышу және ашу сезімдері аса мазаламай, науқасты тек периодты түрде қынаптан бөлінетін іріңді -серозды бөліністер ғана мазалайды. Кольпитті диагностикалау үшін алдымен қынап және жатыр мойна өзегінен жұғындыны микроскопиялық тексеруге аламыз, жұғынды ПТР-вагиналды биценозды анықтаймыз, қарапайым және кеңейтілген кольпоскопия түрімен қынапты, жатыр мойны сыртқы аңқасын тексереміз.
Емі[өңдеу | қайнарын өңдеу]
Кольпиттің емі кешенді түрде өту керек. Бір жағынан ем инфекцияға қарсы бағытталған болса, екінші жағынан қосымша аурулармен күресу болу керек. Жалпы және жергілікті емдер қолданады:
- Антибактериалды ем (фторхинолон немесе біріктірілген препараттар)
- Жалпы әсерді күшейтетін препараттар
- Теңдестірілген диетаны сақтау (белоктардың, майлардың және көмірсулардың қалыпты мөлшері)
Жергілікті ем тағайындалады:
- микробқа қарсы қынаптық таблеткалар
- жақпалар, балауыздар, майлар
- жергілікті гормон құрамды препараттар (көрсеткіш бойынша).