Коммий

Уикипедия — ашық энциклопедиясынан алынған мәлімет
Jump to navigation Jump to search

Коммий
Commio
Лауазымы
Галл тайпасының көсемі
Өмірбаяны
Дүниеге келуі белгісіз
Балалары 3 ұлы - Тинкоммий, Эппилл, Верика

Коммий — (туған күні белгісіз — б. з. д. 20 жыл) — б.з.д. 57-50 жылдар аралығындағы атребаттардың Кельт тайпасының көсемі, б.з.д. 50-20 жылдар аралығындағы Каллева патшалығының (Британияның оңтүстік-батысы) әміршісі.

Коммий Гай Юлий Цезарьдің Белгиканы жаулап алу барысында атребаттар тайпасының көсемі атанды. Ол Римдіктерге қарсы шықпай, олардың одақтастары атанды. Сондықтан атребаттар ішкі автономияны және өз көсемдері мен ақсақалдарын таңдау жүйесін сақтап қалды. Галль соғысы кезінде Коммий Цезарьді азық-түлікпен және қарумен қамтамасыз етті. Б. з. д. 55 жылда Гай Юлий Цезарь Британияға Коммийды аралды басып кіру мақсатында барлаушы ретінде жіберді. Дегенмен, Коммийдің барлаушылық қызметі сәтсіз болды - Коммиді тринобаттарды ұстап алып, Кассивелаунға апарды, ал ол Коммийді түрмеге жабуды бұйырды.

Коммий тек б. з. д. 55 жылы римдіктер Британияға басып кіргеннен кейін ғана босай алды. Күрделі жағдайда қалған Кассивеллаун римдіктермен келіссөздерде делдал ретінде сөз сөйлеу үшін Коммийге жүгінді. Нәтижесінде римдіктер мен бриттар арасында бейбіт келісім жасалды. Осыдан кейін б. з. д. 54 жылда Коммий Галлияға оралды. Ол Цезарьдің алдында адалдығын сақтап, Амбиорикс бастаған Солтүстік галлдардың көтерілісін қолдамады. Мұны бағалай отырып, Цезарь атребаттарға жеңілдіктер жасады. Дегенмен, Верцингеторикс басқарған галлдардың көтерілісінің басталуымен, Коммий римдердің жауларына қосылуға шешім қабылдады және Верцингеторикстің әскеріне кірді. Б. з. д. 52 жылда Коммий атребаттар әскерімен Алезияға көмектесуге жол жүрді. Галлдардың жеңілісінен кейін Коммий өз тайпасының бекінісіне оралды. Бұған жауап ретінде Гай Юлий Цезарь өз легаты Марк Антонийге Коммийді өлтіру жоспарын ұйымдастыруды тапсырды. Ол өз кезегінде қастандық жасауды Гай Волусенге тапсырды.

Алайда, қастандық нәтижесінде Коммий өлмеді, тек қана ауыр жарақат алды. Ол римдіктермен бұдан былай кездеспеуді шешіп, б. з. д. 50 жылы Британияға көшті. Бірнеше ондаған жылдар арасында Коммий астанасы қазіргі Солчестер қаласы болып табылатын Каллева мемлекетін құрды. Британияның осы бөлігінде Коммий б. з. д. 20 жылы өз өліміне шейін тыныш билік етті. Оның ұлдары — Тинкоммий, Эпил және Верика (Берик) мұрагерлері атанды.

Тағы қараңыз[өңдеу]

  • [1] - Галль соғысы