Конверсациялық талдау

Конверсациялық талдау - әңгімелесуді, пікір алмасуды талдау әдісі. Бұл әдіс адамдардың қарапайым, жасанды ойластырылмаған, шынайы, табиғи қарым-қатынастары жағдайындағы кеңінен таралған пайымдаулары мен ой-пікірлері жайында мағлұмат жинау барысында аса өнімді. Ал, фокус-топтық зерттеулерде, керісінше, қарым-қатынас жағдайы қолдан жасалып, әлеуметтанушы-модератор басқарып отырады. Мысалы, қандай да бір саясаткермен болған кездесуден кейінгі студенттік асханадағы әңгімелер; құжаттардың кемшілік өңделуімен айналысып жүрген иммигранттардың әңгімелері; кезекте тұрған халықтың әңгімелері және т.б. зерттеудің нысаны бола алады. Бұл әдіс пікірлердің құрылымын, сыңайын, эмоционалдық күйін, әлеуметтік-мәдени (гендерлік, ұрпақтық, этникалық, жергілікті) символдармен шырмалғандығын анықтап, зерттеуге мүмкіндік береді.