Константин Скоробогатов Васильевич

Константин Скоробогатов Васильевич

Константин Скоробогатов Васильевич - орыс совет актері. Ол 1887 жылы 6-шы наурызда Ленинград қаласында дүниеге келген, 1969 жылы 28-ші шілдеде қайтыс болған.Константин Скоробогатов 1953 жылы КСРО халық артисі атағын алған.

Жастық кезі

Он жасынан Обухов зауыдында жұмысшы болды. 1903 жылдан әуесқойлар спектаклінде, ал 1905 жылдан профессионалды театрларда ойнады. 1928–1935 жылдар аралығында Ленинградтың Үлкен драма театрында, 1936 жылдан Ленинградтың академиялық драма театрында актер болып қызмет етті. Кейін 1951 жылы ол Ленинградтың академиялық драма театрының директор қызметін атқарған болатын. Константин Скоробогатов А. Каплер мен Т. Златогорованың «Ленин» спектаклінде В. И. Лениннің сахналық тұлғасын жасады.

Ойнаған рольдері

Оның ойнаған рольдері: Швандя (Треневтің «Любовь Яроваясында»), Гоудн (Лавреневтың «Тасталқанында»), Лука (Горькидің «Шыңырау түбіндесінде»), Яго (Шекспирдің «Отеллосында») т. б. Сонымен қатар Константин Скоробогатов киноға түсіп, «Пугачев» (1937), «Пирогов» (1947) фильмдерінде басты рольдері орындады. 1941, 1948, 1949, 1951 жылдары КСРО Мемлекеттік сыйлығының лауреаты болып сайланды. Ленин орденімен және басқа 2 орденмен марапатталған.