Концентрация

Концентрация немесе Қойырлық, химияда – қоспа, ерітінді, қорытпа құрамындағы заттардың салыстырмалы мөлшері. Концентрация ұғымы ерітінділердегі еріген зат молекулаларының салыстырмалы мөлшерлерін сипаттау үшін қолданылады.

Қоспа (ерітінді, қорытпа) құрамындағы затты компонент (латынның componens - құраушысы) деп атайды. Қоспаның қосылыс сандық құрамын әр түрлі тәсілдер арқылы анықтайды. Қоспаның қосылыс сандық құрамын әр түрлі тәсілдер арқылы анықтайды. Қоспаның бірлік массасындағы немесе бірлік көлемдегі зат компоненттерінің мөлшерін концентрация деп атайды. Концентрация әдетте, қоспаның компоненттерінің салыстырмалы мөлшерің сипаттайтын шама болады.^[1]

Концентрацияның бірнеше түрі бар: массалық үлес концентрациясы – еріген зат массасының ерітіндінің жалпы массасына қатынасы, оны процентпен сипаттауға болады. Сондықтан оны проценттік концентрация деп те атайды. Көлемдік үлес концентрациясы – еріген зат көлемінің ерітіндінің жалпы көлеміне қатынасы, бұл да процентпен сипатталады. Молярлық концентрация – еріген зат мөлшерінің ерітіндінің көлеміне қатынасы (моль/м³). Эквиваленттің молярлық концентрациясы – ерітіндідегі зат эквивалентінің зат мөлшерінің ерітіндінің көлеміне қатынасы (моль/л). Молярлық концентрация – ерітіндідегі еріген зат мөлшерінің ерітіндінің массасына қатынасы (моль/кг). Титр – еріген зат массасының ерітіндінің көлеміне қатынасы (г/л). Молярлық үлес концентрациясы – еріген зат мөлшерінің ерітіндідегі барлық заттардың мөлшерлерінің қосындысына қатынасы.