Корей тілінің Алтай тілдеріне жатуы

Корей тілінің Алтай тілдеріне жатуы 19ғ. басында әлем тілдерінің генеологиялық классификациясы жасалғаннан кейін, лингвистикалық және этнографиялық зерттеулер нәтижесі бойынша корей тілін Урал-Алтай тілдері семьясына (бір жағынан түркі, монғол және тунғус-маньчжур тілдерін, екінші жағынан корей, жапон тілдерін біріктіретін) жатқызады. Алтай тілдері өздерінің болжамды көне отаны – Алтайдың құрметіне аталған. Көптеген гипотезалар ішінен корей тілінің генетикалық туыстығы жағынан Алтай тілдеріне жатқызу кең етек жайған. Оның жақтаушылары фонетикалық сәйкестігіне, құрылымдық ұқсастығына және этимологиялық мәліметтеріне қарай корей тілін (кейде жапон тілімен бірге) тунгус-маньчжур тармағына, немесе б.з.б.3 мың жыл бұрын бәрінен бұрын бөлектенген жеке тармаққа жатқызады. Дегенмен корей тілінің Алтай тілдеріне жататыны әлі де болса белгісіз қалуда. Екі немесе бірнеше тілдердің генетикалық туыстығының фактісін анықтау үшін келесідей шарттар болу қажет:
1)Осы тілдерде көптеген тұрақты фонетикалық сәйкестіктердің жүйесі болу керек.
2)Аталмыш тұрақты фонетикалық сәйкестіктерді жүзеге асыратын сәйкес келетін көптеген негізгі лексикалар болу қажет.
3)Сәйкес келетін көптеген грамматикалық морфемалардың болуы шартты.
Негізгі ерекшеліктер
Алтай семьясы теориясына оларды біріктіретін құрылымдық ерекшеліктері негіз болды. Негізгі ерекшеліктеріне дауысты дыбыстардың гормониясы мен грамматикалық агглютинациясы жатады. Алайда бұл ерекшеліктер Алтай тілдер мен корей тілінің туыстық байланыстарын анықтаудың негізі бола алмайды.
Алтай тілдері мен корей тілінің ортақ ерекшеліктері:
1)Дауыстылырдың гормониясы
2)Сөз басындағы консонанттардың шектеулігі
3)Агглютинация
4)Дауыстылар мен дауыссыздардың кезектесе келуінің жоқтығы
5)Қатыстық есімдіктер мен жалғаулықтардың жоқтығы
6)Косемшелердің бар болуы
<Пайдаланылған әдебиеттер
1.Л.Р.Концевич. Корейтану. М,2000
2.Қазіргі корея. Ақпараииық әдебиет. Шығыстану институты АН СССР. М, 1971.б 29
3.А.Я.Шайкевич. Тіл біліміне кіріспе. М, 2005.б 324