Курляндия майданы
«Курляндия майданы» — Бауыржан Момышұлы жазған повесть, кейде роман делінеді.
Шығарманың өң бойында өзінің іс-әрекет, бар болмыс-бітімімен танылып отыратын негізгі кейіпкер — Бекболат Талғаров. Автор тікелей өз өмірінен өткен, көрген-түйген мол тәжірибесін Бекболаттың болмысына сыйдыра білген. Сондай-ақ Бекболаттың қол астындағы әскери қызметкерлеріне де портреттік суреттемелер беріледі. Ажалмен бетпебет келгендегі адам бет-әлпеттеріндегі психологиялық өзгерістерді, олардың жан-дүниелеріндегі толқыныстар мен сырт келбеттеріндегі құбылыстарды автор барынша көрегендікпен, асқан дәлдікпен шебер бейнелеп берді.[1]
1945 жылдың көктемінде жаудың 350 мыңдық Курляндия тобын талқандау операциясына 8-ші гвардиялық атқыштар дивизиясы да қатысты.[2]
Жалпы, Курляндия — бұл Латвияның батыс бөлігінің тарихи атауы. Ондағы әскери әрекеттердің маңыздылығын Бауыржан Момышұлы былай түсіндіреді:
Курляндияда немістердің соғыстың аяғына дейін жарты миллиондай әскері болды. Ол әскер шабуыл жасау үшін емес, біздің жақтың мол күштерін басқа майдан тарапына, оңтүстік бағытына ауыстырмай ұстап тұру үшін мықты бекіністе тұрды. Оңтүстік тарапындағы майдандарда біздің шабуылдан дұшпанның іргесі бірінен соң бірі құлап жатты. Біздің күш ол тараптарда басым болды. Сол бағыттардағы біздің шабуылдарды тоқтатып, одан соң тойтару үшін дұшпан Курляндияда бізге қарсы қорғаныста тосқауыл боларлық күштерін ғана қалдырып, негізгі күштерін босатып, үлкен ұлы шайқас болып жатқан бағыттарға ауыстырмақ болды.
Дереккөздер[өңдеу | қайнарын өңдеу]
| ||||||||||
