Кірпік

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Адам кірпігі

Кірпік (лат. Cilia) — сүтқоректілердің көзінің жоғарғы және төменгі қиығын жиектей орналасқан түк. Адам денесінде қабақтың бос жиегінің алдыңғы шетіндегі 2-3 қатар болып орналасқан. Олардың арт жағында "meibomian" деп аталатын без болады. Адам кірпіктерінің орташа өмір сүру ұзақтығы — 90 күн. Әрбір кірпік бір баған және түбірден тұрады. Түбір тері астында орналасқан.

Кірпік өсу фазалары[өңдеу]

Кірпік түсі эумеланин және феомеланин пигменттерінің арақатынасына байланысты. Кірпіктің өсу циклы 4 фазадан тұрады:

  • 2-3 апта кірпік қарқынды өседі.
  • 4-7 апта өсуін тынышталады.

Қалған екі фазада кірпік әлсіреп түсе бастайды. Кірпік кез-келген уақытта өсе береді, бірақ ағза қартайған сайын, кірпік жұқарып, әлсіреп және ағара бастайды. Көздің төменгі бөлігіндегі кірпіктердің ұзындығы шамамен 7 мм, ал үстіңгі бөліктегілер шамамен 10 мм. Үстіңгі кірпіктердің саны 150-250 шақты болса, төменгі кірпіктер саны 50-150 аралығында. Кірпіктің негізгі атқаратын қызметі көзді шаңнан, кірден, топырақтан және ұсақ бунақденелілерден қорғау. [1]

Дереккөздер[өңдеу]

  1. Green энциклопедиясы