Кәусар-Саяхат баспасы

Уикипедия — ашық энциклопедиясынан алынған мәлімет
Навигацияға өту Іздеуге өту
Кәусар-саяхат
Түрі

ЖШС

Қызметі

Діни әдебиеттер, Қажылық сапарлары

Құрылды

2007

Орналасуы

Алматы, Қазақстан

Саласы

баспа

Сайты

www.kausar-sayahat.kz

Алматы қаласы Әділет Департаментінің берген куәлігі
Мемлекеттік лицензиясы
ҚМДБ тарапынан берілген "Алғыс хат"

Кәусар-саяхат баспасы - «Кәусар-саяхат» ЖШС құрамындағы діни баспа. «Кәусар-саяхат» жауапкершілігі шектеулі серіктестігі 2007 жылы сәуір айында құрылған. «Кәусар-саяхат» ЖШС діни кітаптарды шығару және қажылық сапарын ұйымдастыру бағыттарында жұмыстар атқарады. «Кәусар-саяхат» ЖШС директоры Қадыров Азамат.[1]

Кәусар-саяхат баспасы[өңдеу | қайнарын өңдеу]

Серіктестік қазақ қоғамының дамуына, әрі ондағы мәдениет пен салт-дәстүрдің, өнер мен білімнің, тілі мен дінінің өрлей беруіне өз үлесін қосуды мақсат тұтқан. Соның ішінде Қазақстанның әрбір азаматын мұсылман дініне жат ағымдар мен секталардан сақтап қалуды, әрі Ислам дінін шынайы бейнеде халықтың көкірегіне ұялатуды, сондай-ақ, оларды адамгершілік пен сыпайылыққа, отансүйгіштік пен еңбекқорлыққа, инабаттылық пен имандылыққа тәрбиелеуді басты мақсат тұтады. [2]

2007 жылы ҚР Әділет Министрлігі, Алматы қаласы Әділет Департаментінде заңды тұлға ретінде тіркелген.

2007 жылы Қазақстан Республикасының Ұлттық Кітап Палатасының Сертификаты берілген.

2009 жылы Қазақстан мұсылмандары діни басқармасының Алғыс хатымен марапатталды.

Асыл арна ислами-ағартушылық телеарнасымен тығыз байланыс орнатылған. Қажылық миссиясы кезінде "Асыл арна" тілшілерімен бір түсірілген роликтер, қажылық сапары біткен соң қажыларға сыйлық ретінде таратылады.


Қажылық және умра сапарын ұйымдастыру[өңдеу | қайнарын өңдеу]

«Кәусар-саяхат» ЖШС-нің алға қойған мақсаттарының бірі – Қазақстан мұсылмандарын қасиетті Мекке мен Мәдина қалаларына қажылық сапарына алып баруды сапалы ұйымдастыру, қажылардың қажылық құлшылықтарын дұрыс атқаруларына толық ақыл-кеңес беріп, жөн сілтеу. Сапар барысында жол бастаушы аудармашылар (гидтер), уағызшылар, діни мамандар қызмет етеді. Қажыларға «Қажылық анықтамалығы» кітапшасы таратылады.

«Кәусар-саяхат» ЖШС-нің 2007 жылдан бергі ұйымдастырған қажылық сапарларының сапасына халықтың көңілі толып, Қазақстан Республикасы Әділет министрлігі жанындағы Діни істер комитеті мен Қазақстан мұсылмандар діни басқармасының алғысын алған. [3]

Қажылық-2007[өңдеу | қайнарын өңдеу]

«Кәусар-саяхат» қажылық фирмасы «Яссауи» қажылық компаниясымен бірлесе отырып, Алматы – Жидда – Алматы (Қазақстандық «Мега» әуекомпаниясымен) ҚАЖЫЛЫҚ-2007 сапарын ұйымдастырып, жалпы саны 150 адамды құраған. Қажылық сапары 13-25 желтоқсан аралығында өткен.

Қажылық-2008[өңдеу | қайнарын өңдеу]

«Кәусар-саяхат» қажылық фирмасы ҚМДБ және ҚР Әділет министрлігі Дін істері жөніндегі комитетімен бірлесе отырып, Алматы – Мәдина – Жидда – Алматы (Сауд Арабия әуежолдарымен) ҚАЖЫЛЫҚ-2008 сапарын ұйымдастырды. 208 жылы Қазақстан қажылық миссиясы «Кәусар-саяхат» қажылық фирмасына 100 квота бөлді. Осы жылы әрбір қажыға «Қажылық анықтамалығы» атты кітап, сумка және жилетке сыйға берілді.

Қажылық-2009[өңдеу | қайнарын өңдеу]

«Кәусар-саяхат» қажылық фирмасы ҚМДБ және ҚР Әділет министрлігі Дін істері жөніндегі комитетімен бірлесе отырып, Алматы – Стамбұл – Жидда – Мәдина – Стамбұл – Алматы (Түрік әуе жолдары) және Алматы – Шаржа – Жидда – Шаржа – Алматы (Эйр Арабия) әуе жолдарымен ҚАЖЫЛЫҚ-2009 сапарын ұйымдастырды. 2009 жылы Қазақстан қажылық миссиясы «Кәусар-саяхат» қажылық фирмасына 150 квота бөлді. Осы жылы әрбір қажыға «Қажылық анықтамалығы» атты кітап, сумка және жилетке сыйға берілді. Қажылықтан оралғаннан кейін әр қажыға қажылық сапары туралы диск таратылды.

Қажылық - 2010-2011[өңдеу | қайнарын өңдеу]

Алматы – Шаржа – Жидда (Эйр Арабия) Мәдина – Шаржа – Алматы (Эйр Арабия) әуе жолымен 2010-2011 жылдары да қажылық сапарын ұйымдастырды. Бұл жылдарыда Әрбір қажыға «Қажылық анықтамалығы» атты кітап, сумка және жилетке беріледі. Қажылықтан оралғаннан кейін әр қажыға қажылық сапары туралы бейнетаспа таратылады.

Бұдар бөлек ETIHAD AIRWAYS әукомпаниясы арқылы «Рамазан-2011» умра бағдарламасын ұйымдастырды. Умраға барған азаматтар Меккеде «Макка Грант Корал» атты 3 жұлдызды қонақ үй. Әл-Харам мешітінен 700 метр қашықтықта орналасқан қонақ үйде болды. Қонақ үй мен Мешіт арасында автобус 24 сағат айналып отырды. Мәдинада «Мубарак» атты 3 жұлдызды қонақ үйінде болды. Пайғамбарымыздың мешітінен 250 метр жерде орналасқан.

Діни кітаптарды шығару[өңдеу | қайнарын өңдеу]

«Кәусар-саяхат» баспасы Алматы қаласында 2007-жылы сәуір айынан бері, халықтың мәдени рухын, ілім-білімін арттыра түсу және діни наным-сенімдерін дұрыс қалыптастыру мақсатында жиырмадан астам еңбектерді көптеген данамен шығарды (жарық көрсетті). «Кәусар-саяхат» баспасы бұл салада сапалы кітап шығарумен танымал болған көшбасшы баспалардың бірі.

«Кәусар-саяхат» ЖШС-нің кітаптар тізімі[өңдеу | қайнарын өңдеу]

Хадис кітаптары[өңдеу | қайнарын өңдеу]

Баспа Құраннан кейін екінші орынды иемденетін имам әл-Бұхаридің «Сахих» хадистер жинағының ықшамдаған нұсқасы шығарды. Кітап имандылық, намаз, ораза, зекет, қажылық, мұсылманшылық әдептер мен адамдар арасындағы қарым-қатынастарға және т.б. аса маңызды мәселелерге қатысты екі мыңнан астам хадисті қамтиды. Авторы Имам әз-Зубәйди. Аудармашысы Қ.Спатай.

  1. Мухтасар Сахих аль-Бухари I- IІ томдар (орыс тілінде)
  2. Сахих әл-Бұхари (қазақ тілінде)
  3. Мухтасар Сахих Муслим I- ІI томдар (оыс тілінде)
  4. Әл – Уафи (қазақ тілінде)
  5. Ізгілер жүрегінің қуанышы (қазақ тілінде)

Сахих әл-Бұхари кітабы[өңдеу | қайнарын өңдеу]

Сахих әл-Бұхари кітабы – имам әл-Бұхаридың «Сахихына» енген хадистердің үлкен бөлігінің аудармасы. Пайғамбарымыздың (с.а.с.) сүннеті маңыздылығы жағынан Құраннан кейін екінші орынды иемденетіні әрі «Сахих» жинағы сүннеттің бір бөлігін қамтитындықтан, бұл еңбек мұсылман әлемінде аса жоғары бағаланады. Оның былай болу себептерінің бірі – имам әл-Бұхари осы еңбекке енген хадистерді іріктеп-сұрыптағанда қатал талап қойған. «Сахих» кітабының бірнеше ықшамдалған нұсқалары бар. Соның бірі – оқырмандар назарына ұсынып отырған имам Ахмад ибн Абдул-Латиф әз-Зубәйдидің осы нұсқасы. Бұл нұсқа ең сәтті шыққан туынды деп саналған. Кітапта Ислам ақидасына, намаз, ораза, зекет және қажылық сияқты құлшылық түрлеріне, сондай-ақ адамгершілік әдептер, адамдардың өзара қарым-қатынасы мен одан тысқары да көптеген аса маңызды мәселелерге қатысты екі мыңнан астам хадис бар.

Мұхтасар Сахих әл-Бұхари[өңдеу | қайнарын өңдеу]

Кәусар-саяхат баспасы өз қырмандарының назарына атақты ғалым, имам Мухаммад ибн Исмаил ибн Ибраһим ибн Муғира әл-Бұхари (810870 жж.) құрастырған сахих (сенімді) хадистер жинағын ықшамдап мазмұндаған (баяндаған) мухаддис-ғалым – имам Әбу әл-Аббас Ахмад ибн Абдул-Ләтиф әз-Зубәйдидің (14101488 жж.) бірегей кітабын аударып шықты.

Бұл кітаптың мақсаты – рухани даму жолына түскен адамдардың жүректері мен саналарына әрбір хадистің мағынасын жеткізу; оқырмандарды Аллаһтың елшісінің (оған Аллаһтың игілігі мен сәлемі болсын) пайғамбарлық жасаған кезеңімен таныстыру, өйткені Пайғамбар (оған Аллаһтың игілігі мен сәлемі болсын) туралы барлық хабарлар және оның барлық айтқан сөздері өздеріне өте ауқымды тарихи деректерді қамтыған әрі барлық кезеңде, әсіресе біздің заманымызда, көкейтесті (актуалды) болып табылады.

Фиқһ мәселелері бойынша[өңдеу | қайнарын өңдеу]

  1. Аль-Хидайа (книга очищения и молитвы)
  2. Фиқһ әл-Ғибадат
  3. Намаз әліппесі
  4. Намаз оқып үйренейік
  5. Учимся совершать молитву
  6. Умра анықтамалығы
  7. Справочник совершающего умру
  8. Қажылық анықтамалығы
  9. Справочник паломника
  10. Жұбайлар шаттығы

Иман және ислам негіздері[өңдеу | қайнарын өңдеу]

  1. Құлшылық және сенім
  2. Ақырет өткелдері
  3. Ислам – ақиқат діні
  4. Қабір азабы
  5. Азкар
  6. Зікірлер
  7. Дұға – құлшылық өзегі
  8. Жүрек неге тасқа айналады?

Ислам тарихы жайлы[өңдеу | қайнарын өңдеу]

  1. Пайғамбарлар қиссасы
  2. Асыл аналар

Балаларға арналған кітаптары[өңдеу | қайнарын өңдеу]

  1. Құран Кәрім хикаялары
  2. Әліппе
  3. Иман бақшасы
  4. Иман бақшасы 2-денгей
  5. Біз мұсылман баламыз! Альхамдулиллях, я – муслим!

Шығаруды жоспарлап отырған кітаптары[өңдеу | қайнарын өңдеу]

  1. Сира (Пайғамбар тарихы)
  2. Тафсир Ибн Касир шамамен 8 том болады деп жоспарланған.

Баспадан шыққан кейбір кітаптар мұқабасы[өңдеу | қайнарын өңдеу]

Дереккөздер[өңдеу | қайнарын өңдеу]

  1. Кәуса-саяхат баспасы Мұрағатталған 14 қаңтардың 2012 жылы.
  2. Мақсаттары Мұрағатталған 14 қаңтардың 2012 жылы.
  3. Қажылық жұмыстары Мұрағатталған 14 қаңтардың 2012 жылы.

Сыртқы сілтемелер[өңдеу | қайнарын өңдеу]