Көкек мүгі

Уикипедия — ашық энциклопедиясынан алынған мәлімет
Jump to navigation Jump to search
Көкек мүгі
Көкек мүгі
Көкек мүгі
Амандық күйі
Status TNC G5.svg
Қатерсіз (TNC) [1]
Ғылыми топтастыруы
Дүниесі: Өсімдіктер
Бөлімі: Мүктәрізділер
Табы: Polytrichopsida
Кіші табы: Polytrichidae
Сабы: Polytrichales
Тұқымдасы: Polytrichaceae
Тегі: Polytrichum
Түрі: P. commune
Екі-есімді атауы
Polytrichum commune
Hedw.

Көкек мүгі (лат. Polýtrichum commúne) — Мүктәрізділердің аса кең таралған екі түрінің бірі көкек мүгі.

Көкек мүгі "жасыл мүк" деп те аталады. Көкек мүк жапырағы, сабағы бар мүктер тобына жатқызылады. Себебі көкек мүгінің сабағы мен жапырағы болады. Жасыл мүк топырақтың бетін тұтастай жауып жатқандықтан,басқа мүктерді ығыстырады. Бойна ылғалды көп сіңіреді. Бұл орманның батпаққа айналуына көмектеседі. Жасыл мүк екіүйлі өсімдік. Аталық өсімдік көпжылдық, ал аналық өсімдік біржылдық болып келеді. Жасыл мүктің биіктігі 40см. Сабағында бұтақтанбайды. Сабағына тірек ұлпасы болады. Сабақтың ортасында қарапайым өткізгіш шоқ орналасады. Жасыл мүк топыраққа ризоидтары арқылы бекінеді.

Жасыл мүктер басқа жасыл өсімдіктер секілді ағзалық зат түзіп, қоректенеді. Топырақтан ризоидтары арқылы суды және онда еріген минералды заттарды сіңіреді. Жапырақ жасушаларында хлорофилл дәндері бар. Жапырақтар арқылы ауадан көмірқышқыл газын сіңіреді. Соның нәтижесінде олардың хлоропластарында фотосинтез үдерісі жүріп, ағзалық зат түзіледі. Жасыл мүк жынысты және жыныссыз жолдармен көбейеді. Біріншісі жыныс жасушалары арқылы көбею, екіншісі спора арқылы көбею.

Дереккөздер[өңдеу]

  1. Polytrichum commune. NatureServe Explorer. NatureServe. Тексерілді, 15 ақпан 2008.