Көктырнақ

Уикипедия — ашық энциклопедиясынан алынған мәлімет
Jump to navigation Jump to search

КӨКТЫРНАҚ– Кіші Арал теңізінің солтүстік-шығысындағы түбек. Қызылорда облысы Арал ауданында орналасқан. Солтүстіктен оңтүстікке қарай 30 км-ге созылып, теңізге сұғына еніп жатыр. Батыстан шығысқа қарай 37 км-ге созылған. Теңіз деңгейінен ең биік жері 188 м. Жер бедеріне төрттік кезеңнің ойпатты аккумуляттік жазығы тән. Ол түбектің орта бөлігіне қарай еңістеніп, батысында Бутаков шығанағына, шығысында Үлкен Сарышығанақ қонысына ұласады. Түбекте Үшшоқы, Бұлтық төбелері мен Кенжембай, Аққұдық, Кержығылған құдықтары бар. Түбектің теңізге сұғынған оңтүстік жағалауы 10 – 70 м аралығындағы жыралармен тілімденген. Аймақ мал жайылымы ретінде пайдаланылады.

Дереккөздер[өңдеу]

Қазақ Энциклопедиясы, 11 - том