Көкірек қуысы

Уикипедия — ашық энциклопедиясынан алынған мәлімет
Jump to navigation Jump to search
Көкірек қуысы

Көкірек қуысы, кейде Кеуде қуысы (лат. Cavum thoracіs) – адамның дене қуысының жоғарғы бөлігі (сүтқоректілерде алдыңғы бөлігі). Көкірек қуысын құрсақ қуысынан көк ет бөліп тұрады. Көкірек қуысында тыныс алу жолдары, өкпе, өңеш, жүрек, айыршық без, кеңірдекше және лимфа бездері, қантамырлары, лимфа тамырлары және жүйкелер болады. Көкірек қуысының ішкі беті сірі қабықпен көмкерілген.[1]

Көкірек қуысы — оң және сол жақ сірі қабық қапшықтары аралығында орналасқан, алды-тос сүйегімен, арты — омыртқаның кеуде түсы бөлігімен, төменнен- диафрагмамен, жоғарыдан — кеуде қуысының жоғарғы апертурасымен шектелген кеуде қуысының бір бөлігі.[2]

Көкірекаралық өкпеқаптар арасындағы кеңстікті толтыратын ағзалар кешені Көкірекаралық деп аталады. Бұл ағзалар кешені екі өкпе қаптары арасында перде түзетін сияқты. Көкірекаралық ағзалар күрделі нерв-тамыр түзілістері бар шелмаймен қоршалған.

Көкірек қуысының ішкі беті сір қабығы мен көмекерілген. Көкірек қуысы 12 жұп қабырға, төстік және омыртқа жотасын кеуде бөлігінің омыртқаларынан құралған. Көкірек қуысының жоғарғы және төмеңгі тесігі бар. Оның төменгі жағы мен іш қуысының аралығын көкет (диафрагма) бөліп тұрады. Көкірек қуысының пішіні адамның жынысына қарай әртүрлі болып келеді, сондай-ақ мамандығына және түрлі аурулар әсеріне қарай өзгеруі мүмкін.

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том
  2. Пульмонология терминдерінің орысша-қазақша түсіндірме сөздігі. Алматы: Ана тілі. 1996. ISBN 5-630-00473-5