Көмірлерді зерттеу әдістері

Көмірлерді зерттеу әдістері - зерттеу (петрографиялық, химиялық және физикалык) мәселелеріне байланысты әр түрлі сипаттар кешенінен тұрады. Көмір- петрографиялык және кейде физикалық зерттеулер деректері бойынша, техникалық және элементтік талдау нәтижелерімен бірге көмірлену дәрежесі мен көмірдің генетикалық типі анықталады. Қоңыр және төменгі сатыдағы тас көмірлер үшін жылу бөлгіштігі, жартылай кокстеу өнімдерінің шығымы мен құрамы анықталады. Тас көмірлер үшін (газдыдан жұтаң бірігетіндерге дейін) — біріккіштігі, күмпиюі, пластиметрлік көрсеткіштері, кокстік қасиеттері сипатталады. Жұтаң көмір мен антрациттер үшін — жылу бөлгіштік пен электр өткізгіштік (антрациттерде) анықталады. Көмірлерді зерттеу әдістері рентгеноскопия, инфрақызыл және ультракулгін спектрия, люминесценттік талдау, электрондық микроскопия, парамагнитті және ядролық- магниттік резонанс, термография, тотығу және гидрогендеу, т.б. Аталған химиялық және физикалық әдістер көмір затының молекулалық құрылымынан да мағлұмат береді.