Ландшафт геохимиясы

Уикипедия — ашық энциклопедиясынан алынған мәлімет
Jump to navigation Jump to search

Ландшафт геохимиясы — географиялық ландшафтарда химиялық элементтердің химиялық құрамын және миграциясын (көшуін) зерттейтін геохимия мен физикалық географияның бөлімі.

20-ғасырдың 40-жылдарында пайда болған. Ол ландшафттағы химиялық элементтердің көшуін, жиылуын зерттегенде геохимияның, әсіресе, биогеохимияның тәсілдерін қолданады. Жеке ғылыми бағыт ретінде Ландшафт геохимисының негізін қалаған орыс ғалымы — Б.Б. Полынов. Геохимиялық тұрғыдан қарағанда ландшафт — атмосферадағы, гидросферадағы, литосферадағы химиялық элементтердің күн энергиясы әсерімен алмасып отыратын жер бетінің бір бөлігі. Жердің терең қабаттарымен салыстырғанда ландшафтта қысым мен температура төмен болғанымен, атомдардың алмасуы көп түрлі әрі жылдам болады. Ландшафттағы химиялық элементтер миграциясының химиялық құрамын, зандылықтарын зерттейтін геохимияның тарауы

Ландшафт геохимиясының негізгі бағыттары[өңдеу]

1) Ландшафттың жалпы геохимиясы; 2) геохимиялық ландшафттар географиясы және олардың әрқайсысының геохимиясы; 3) геохимиялық ландшафтардың кеңістіктегі қалыптасу заңдылықтары, оларды аудандарға бөлу қағидалары мен картаға түсіру; 4) Ландшафт геохимиясыныңның әр геологиялық кезеңдерге байланысты тарихи ерекшеліктері; 5) ландшафтағы жеке элементтердің геохимиясы, олардың алмасуындағы заңдылықтар мен ерекшеліктер.

Тарихи Ландшафт геохимиясы өткен геологиялық дәуірлер ландшафтары геохимиясының ерекшеліктерін зерттейді. Ландшафт геохимиясының осы тарихи қағидасы кен байлықтарын іздеуге пайдаланылады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Қ 17 Геология. А.Қ.Құсайынов — Алматы: "Мектеп" баспасы ЖАҚ, 2003. — 248 бет. ISВN 5-7667-8188-1, ISВN 9965-16-512-2