Лат (Ислам)

Лат - бүкіл ежелгі Арабияда (Набатея, Пальмира, Хира, Йемен), әсіресе Уадж жазығындағы Таиф маңына ақ тастан пұт мүсін орнатылып, Хиджазда ерекше дәріптелген, Исламға дейінгі әйел Құдайдың есімі. Пұт тасқа және оның қасындағы киелі ғибадатханаға тәуап етушілер ағылып келіп жатады, бұл жазық қорық болып саналатын. Лат «бас ие» және «әмірші» Таифты мекендейтін сақиф тайпасының басты Құдайы саналған, сондай-ақ Меккелік Құрайыш әулеті де оған кейде Аллаһтың қыздары, кейде Хұбаланың зайыптары делінетін әйел Құдайдың бірі есебінде сиынған. Латтың пұт мүсіні Мекке ғибадатханасында да тұрған. Сақифиттер 631 - 632 ж. Исламды қабылдағаннан кейін Латтың киеліханасы талқандалып, ондағы асыл бұйымдар мен пұттың әшекейлері Пайғамбар сахабаларының қарызын өтеуге жұмсалды.