Ленино (шағын аудан, Шымкент қаласы)
Ленино немесе Ленин ауылы – қазір Шымкент қаласының құрамындағы Қатынкөпір шағын ауданына кірген, бұрын Шымкент қалалық әкімдігіне қарасты Абай ауданы Қатынкөпір ауылдық округ құрамында болған ауыл. Шымкент қаласынан солтүстік-батысқа қарай 3 км жерде орналасқан. Тұрғыны 7,6 мың адам (2003). Іргесі 1929 жылы Ленин атындағы ұжымшар болып қаланды. 1960 жылы шағын ұжымшарлар 21-партсъезд атындағы ірі кеңшарға біріктіріліп, оның бөлімшесі болып келді. Кеңшар негізінде ӨК (өндірістік кооператив), шаруа қожалықтары ұйымдастырылды. Ленинода мәдениет үйі, орта мектеп, фельдшерлік-акушерлік пункт, кітапхана болған.[1].
2006 жылы Оңтүстік Қазақстан облысы әкімдігінің "Шымкент қаласындағы ауыл округтерін, поселкелер мен ауылдарды тарату туралы" бірлескен шешіміне сәйкес және тиісті аумақ халқының пікірін ескере отырып, Бірлескен Шымкент қалалық мәслихатының 2006 жылғы 21 желтоқсандағы N 353/334-3с шешімі және Шымкент қаласы әкімдігінің 2006 жылғы 22 желтоқсандағы N 371 шешімі[2] бойынша Ленино бұрынғы Тельман, Куйбышев және Самал 3 шағын ауданының аумақтарымен бірге Қатынкөпір шағын ауданы деп атала бастады.
Дереккөздер[өңдеу | қайнарын өңдеу]
- ↑ Оңтүстік Қазақстан облысының энциклопедиясы
- ↑ Шымкент каласының жеке кұрамдас бөліктеріне атау беру және атауын өзгерту туралы.