Литостатикалық тепе-тендік

Литостатикалық тепе-тендік - жердің қатты денесінің немесе оның жекелеген бөліктерінің кез келген нақты нүктесіндегі қысым мөлшері осы нүктенің үстіңгі жағындағы минералдық массалардың салмағымен анықталуынан туындайтын сол Жер денесінің яки оның бөлігінің болмыс сипаты. Жер қойнауының нақтылы тереңціктеріндегі қысым мөлшері осы Литостатикалық тепе-тендік түсінігіне сәйкес есептеліп шығарылады. Литостатикалық тепе-тендік түсінігінің физикалық мәні — планетамызды гравитациялық сығымдау әсері оның әрбір нүктесінде соған сәйкесетін қысыммен теңдесіп отырады. Бұл түсінік қатты жердің болмыс-бітімі статикалық жағдайда, яғни онда тепе-теңдікті бұзатын процестер көрініс бермейді деп есептегенде ғана дұрыс екендігін мұқият ескерген жөн. Алайда біздің планетамыз көбінесе динамикалық жағдайда екендігі, яғни оның ішкі өңірінде талай-талай процестер болып жататындығы белгілі. Олай болса, планетаның ішкі өңірінде Литостатикалық тепе-тендік үнемі бұзылып отыратын болғаны, бұрынғы тепе-тендікті бұзып отыратын аталған процестер дами жаңа тепе-тендікті қалыптастыру бағытында жұзеге асады деп шамалау керек.