Лопарит

Үлгі:Infobox Лопарит — күрделі оксидтер тобына жататын минерал. Химиялық формуласы: (Na, Се, Ca)2 (Tі, Nb)2О6. TR2О3 32 — 34%, TіО2 30,2 — 44%, (Nb, Ta)2O5 8 — 10%. Моноклинді сингонияда кристалданады. Лопариттің түсі қара, қоңыр; жымдастығы байқалмайды, шыны сияқты жылтырайды. Қаттылық Моос шкаласы бойынша 5,5 — 6,5; тығыздығы 4600 — 4900 кг/м3. Нефелин сиениттері мен оның пегматиттерінде микроклин, альбит, нефелин, эгиринмен бірге тау жыныстарын құраушы минералдар ретінде кездеседі. Лопарит Қазақстанның кейбір сілтілі магмалық тау жыныстарында болады. Лопариттен ниобий, титан, сирек кездесетін жер элементтері, т.б. алынады.