Лука Модрич

Уикипедия — ашық энциклопедиясынан алынған мәлімет
Jump to navigation Jump to search
Лука МодричФутбол
Модрич.jpeg
Жалпы мағлұмат
Туған күні 9 қыркүйек 1985(1985-09-09) (34 жас)
Задар, Югославия
Азаматтығы Хорватия Хорватия
Бойы 172 см
Салмағы 65 кг
Позиция жартылай қорғаушы
Клуб жайлы ақпарат
Клуб Испания Реал Мадрид
Номері 19
Карьера
Клуб карьерасы*
2002—2008 Хорватия Динамо Загреб 112 (31)
2003—2004 Ж Босния және Герцеговина Зриньски 22 (8)
2004—2005 Ж ХорватияИнтер Запрешич 18 (4)
2008—2012 Англия Тоттенхэм Хотспур 110 (11)
2012—қ.д. Испания Реал Мадрид 6 (1)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 4 қазан 2012.


Лука Модрич (xорв. Luka Modrić; 1985 жылдың 9 қыркүйегінде туған, Задар, ЮСФР) — хорват футболшысы, испандық Реал Мадрид және Хорватия ұлттық құрамасының жартылай қорғаушысы.

2018 жылғы әлем чемпионатының үздік футболшысы. 2018 жылғы "Алтын доп" иегері.

Клубтық мансабы[өңдеу]

«Динамо»[өңдеу]

2002 жылы, 16 жастағы Лука Модрич загребтік Динамо клубымен келісім шартқа отырады, бірақ бір жыл бойы жастар құрамасында ойнап, келесі жылы Мостардағы «Зриньски» босниялық хорваттардың клубына жалға беріледі. Ол клубта ойнағанда босниялық премьер–лигада үздік ойыншы атанып, Лука өзінің потенциалын тез көрсетеді, сол кезде ол тек 18 жаста болатын. Келесі жылы тағы да жалға беріледі, бұл жолы Запрешич қаласының Интеріне, ол жерден “Хорватия футболының үміті” деген атақпен оралады. 2005 жылы Динамоға оралып, 2015 жылға дейін келісім шартты созады.

«Тоттенхэм»[өңдеу]

2008 жылдың 26 сәуірінде Модрич «Тоттенхэм Хотспур» клубымен алдын ала келісім шартқа қол қояды, келісім бойынша ойыншы медициналық тексерістен өтіп және Ұлыбританияда жұмыс істеу үшін рұқсат алу керек болды. Негізгі келісім 6 жылға жоспарланған, трансфер сомасы 16,5 млн фунт стерлинг құрады, бұл клубтың 2007 жылы Даррен Бентті сатып алғаннан кейін рекордты трансфері.

«Реал Мадрид»[өңдеу]

2012 жылдың 27 тамызында Лука мадридтік Реалмен бес жылға келісімге қол қояды. Испандық клуб хорваттың трансфері үшін Тоттенхемге 33 млн. фунт стерлинг төледі.

2012 жылдың 30 тамызында Реал Мадридтегі дебютін жасайды. Испания суперкубогының екінші ойынының 83-ші минутында Барселона клубына қарсы қосалқы құрамнан шығады. Матч барысында каталондықтар 2:1 есебімен жеңілді, екі матчтың қорытындысы бойынша есеп 4:4 болды, бірақ Реал Мадрид жеңді, өйткені қонақта көбірек гол соқты. Осылайша Модрич өзінің дебютті ойынында жаңа клубымен бірге бірінші олжасын ұтып алды.

2017/18 жылғы маусымда керемет ойнап, 2018 жылғы "Алтын доп" жүлдесін ұтып алды.

Ұлттық құрамадағы мансабы[өңдеу]

Лука Модрич Хорватия ұлттық құрамының негізгі командасында дебютін Аргентина құрамасына қарсы матчте өткізді. Бұл 2006 жылдың 1 наурызында Швейцариядағы Базель қаласында өтті.

Алғаш қатысқан ірі турнирі - 2008 жылғы Еуропа чемпионаты. Содан бері барлық ірі турнирге қатысып келеді. 2018 жылы әлем чемпионатында Хорватия финалға дейін жетті де, Модрич турнирдің үздік футболшысы атанды.

2011 жылдың 11 қазанында құрама үшін 50-ші ойынын өткізді.

Жетістіктері[өңдеу]

Халықаралық

  • FIFA версиясы бойынша 2008 жылғы Футболдан Еуропа Чемпионатының символды құрамасына кіреді.

Хорватия Динамо Загреб

Испания Реал Мадрид

  • Испания Суперкубогының иегері - 2012, 2017
  • УЕФА Чемпиондар Лигасы: 2014, 2016, 2017, 2018
  • Клубтар арасындағы әлем чемпионаты: 2014, 2016, 2017, 2018
  • УЕФА Суперкубогы: 2016, 2017
  • Испания чемпионы: 2017

Жеке[өңдеу]

  • Алтын доп иегері: 2018
  • ӘЧ-2018 үздік футболшысы.

Жеке өмірі[өңдеу]

2010 жылдың мамырында Модрич Вана Босничке үйленеді. 2010 жылдың 6 маусымында ұлы Иван (Ivano) туған.

Сілтемелер[өңдеу]

Дереккөздер[өңдеу]