Люси (австралопитек)

Уикипедия — ашық энциклопедиясынан алынған мәлімет
Jump to navigation Jump to search

Люси – афар австролопитек ұрғашысының қанқасы. Оны 1974 жылы 24 қарашада Эфиопиядағы Аваш өзенінің маңынан Кливленд табиғи тарих мұражайының кураторы Дональд Джохансон бастаған француз-америкалық экспедициясы кезінде тапқан. Люси - өзі тектестердің ішінде ғылымға белгілі алғашқы өкілдерінің бірі. Зерттеулер нәтижесі бойынша ол 3,2 млн жыл бұрын өмір сүрген.

Ашылу тарихы[өңдеу]

1960 жылдардың аяғы мен 1970 жылдардың басында Эфиопиядағы антропологиялық экспедицияларда Омо өзенінің алқабынан көптеген африка австролопитектері тектес австролопитектердің қанқа қалдықтары табылды. Мұндай қалдықтар басқа жерлерден де табылған, мысалы, Кенияда Туркан көлінің маңында. 1972-1974 жж. Афардан үлкен ұрғашысының жүздеген қанқа қалдықтарын француз-америкалық экспедициясының мүшелері тауып алған. Қанқаның 40% сақталынуы - антропологияда таңқаларлық жағдай. Өз табыстарына риза болған ғалымдар магнитафонда ойналып тұрған The Beatles тобының «Lucy in the Sky with Diamonds» әнінің құрметіне «Люси» деп ат қойды. Люсидің пластикалық көшірмесі Эфиопияда Аддис Абеба Ұлттық мұражайында қойылған.

Сипаттамасы[өңдеу]

Люсидің бойы – 105 см, салмағы – 27 кг. Миы өте кішкентай (400 см³ шамасында); жамбас пен аяқ сүйектері адамдікіне ұқсағанына қарағанда, олар тік жүрген. Зерттеу нәтижесі тісіне қарап, Люси 25-30 жасында қайтыс болған дейді.