Ляля Қожабаева

Ляля Қожабаева
Туған күні	2 шілде 1937 (1937-07-02)
Туған жері	Жұрын ауданы, Ақтөбе облысы
Қайтыс болған күні	16 қаңтар 2024 (2024-01-16) (86 жас)
Қайтыс болған жері	Ырғыз, Ақтөбе облысы, Қазақстан
Азаматтығы	КСРО  Қазақ КСР  Қазақстан
Әкесі	Нагу
Жұбайы	Жақас Ыбраев
Балалары	Муса, Сауле, Манас, Салтанат, Габитжан, Батыржан, Лаура
Марапаттары мен сыйлықтары	Ырғыз ауданының Құрметті азаматы

Ляля Нагуқызы Қожабаева (2 шілде 1937, Ақтөбе облысы, Жұрын ауданы— 16 қаңтар 2024, Ақтөбе облысы, Ырғыз) — орыс тілі мен әдебиеті пәнінің мұғалімі, Қазақ ССР Халық ағарту ісінің үздігі (1967), КСРО білім беру ісінің үздігі (1973).

Өмірбаяны

Қожабаева Ляля Нагуқызы 1937 жылы 2 шілдеде Жұрын ауданында дүниеге келген. Әлім, Шекті руының тумасы, Кіші жүз.

1959 жылы Алматы қыздар педагогикалық институтын бітіріп, еңбек жолын Шалқар сегізжылдық мектебінде бастаған.

1961-1970 жылдар аралығында Ы.Алтынсарин атындағы орта мектебінде орыс тілі мен әдебиеті пәнінің мұғалімі болып қызмет жасады.

1970-1987 жылдары орыс орта мектебінің мұғалімі, директордың оқу ісі жөніндегі орынбасары, мектеп директоры қызметтерін атқарды.

1987 жылдан құрметті еңбек демалысында.

Бірнеше жыл білім саласында басшылық қызмет жасап, өзінің іс тәжірибесімен, адами болмысымен кейінгі жастарға үлгі бола білді.

Шәкірттері бүгінгі республиканың түкпір-түкпірінде қызмет жасап жүр. Мұғалім іс-тәжірибесін насихаттау мақсатында өткізген ашық сабақтары оның шығармашылықпен жұмыс жасайтын, шебер әрі өз ісіне бар ынта-ықыласымен берілген ұстаз екеннің куәсі бола білді.

Қоғамдық қызметі

Облыстық IV, V мұғалімдер съездерінің делегаты болып сайланды.

Жеке өмірі мен отбасы

Жұбайы Жақас Ыбраев екеуі 4 ұл, 3 қыз тәрбиелеп, өсіріп, немере-шөбере көрді.

Марапаттары

Ляля Нагуқызы халық ағарту саласындағы белсенді қызметі үшін 1967 жылы «Қазақ КСР білім беру ісінің үздігі», 1973 жылы «КСРО білім беру ісінің үздігі» атақтарына ие болды. Қазақ КСР білім министрлігінің, облыстық, аудандық білім бөлімдерінің Құрмет грамоталарымен, алғыс хаттарымен марапатталды.

Жас ұрпақ тәрбиесіне қосқан зор үлесі үшін Ляля Нагуқызына Ырғыз аудандық мәслихатының 2023 жылғы 25 желтоқсандағы №95 шешімімен «Ырғыз ауданының құрметті азаматы» атағы берілді.

Алтын алқаның иегері.