Мазаччо
Мазаччо[өңдеу]
Мазаччо [шын аты: Помазо ди Джованни ди Симоне Кассай (Гвиди) (21.12.1401, Сан-Джованни-Вальдарно, Тоскана, — 1428, Рим] — италиялық кескіндемеші, Флоренциялық кватроченто кескіндемесінің көрнекті өкілі. 1422 жылдан Флоренцияда, Тизе мен Римде жұмыс істеген. Шамамен 1425 — 28 ж. Флоренциядағы Санта-Мария дель Кармине шіркеуі Барнкаччи капелласына салған жазбаларында (“Пейіштен қуылу”, “Таңғажайып”, “Әулие Петрдің ауруларды емдеуі”, “Әулие Петр мен Иоанның қайыр-садақа үлестіруі”) кейіпкерлерін ашық кеңістікте бейнеледі. Ортағасырлық көркемөнер мектебі мен Джотто туындылары Мазаччо шабытының қайнар көзі, өмірлік үйрену шеберханасы болды. Ол өзінің “Үшеу” фрескасы арқылы (1426 — 27 ж. ш. Санта-Мария Новелла шіркеуі) қабырға кескіндемесі саласында алғаш рет композицияға жаңаша сән-салтанат беретін орталық-күрежол құрылымын енгізді. Мазаччо шығармалары. Қайта өркендеу дәуірі көркемөнер мәдениетіне әсіресе Перра делла Франческа мен Микеланджело туындыларына елеулі ықпал етті.
Дереккөздер[өңдеу]
- Қазақ энциклопедиясы
- Романов Н.И., Мазаччо, “Уч. зап. МГУ”, в. 126. Труды кафедры общего искусствознания, кн. 1, М., 1947.
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
