Майқұдық

Уикипедия — ашық энциклопедиясынан алынған мәлімет
Jump to navigation Jump to search

Майқұдық, Қарағандының тұрғын аймағы. Қаланың солтүстік-шығыс бөлігінде орналасқан. Ауданы 1500 га-дан астам. Майқұдық солтүстік -шығысы мен шығысында өнеркәсіп орындарымен, батысында Қарағанды—Астана темір жол магистралымен, оңтүстік-шығысында қаламен шектеседі. Майқұдық 1930 жылдары ауыл ретінде пайда болды. Көмір бассейнін игеруге байланысты Майқұдық шағын қабатты үйлері бар жұмысшы кентке айналды. 1957 ж. «Қарағанды Мемлекеттік шахта жобалау» институты қаланың бас жоспарын кайта қарағаннан кейін (арх. О. П. Кудрявцева, И. С. Иванова) Майқұдық қаланың күрделі құрылыс жүйелі жоспары бар негізгі тұрғын аймағына айналды. Майқұдықтың құрылысында қаланы дамытудың тарихи кезендері толық шешімін тапқан: соғысқа дейінгі шағын қабатты үйлер, соғыстан кейінгі 2-3 қабатты тұрғын үйлер және қазіргі заманғы 5-9 қабатты шағынаудандар. 1972 жылдан бастап Майқұдық перспективалық жоба бойынша (арх. Г. М. Мордвинцев, Н. С. Токаев, А. В. Ермолаев, Ю. П. Себелев, М. О. Жандәулетов) салынып, басты көшелер мен магистралдар кайтадан тұрғызылды. Майқұдықта мәдениет және демалыс паркі, 14 шағынаудан, жеке меншік нысандар, «Ботагөз», кинотеатры, балабақшалар мен жалпы білім беретін мектеп, арнайы мамандырылған колледждер бар. Бас магистральдары — К. Маркс, Магнитогорск, Архитектура, Бейімбет Жармағамбетұлы Майлин көшелері.[1]

Тағы қараңыз[өңдеу]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5