Мал денесін тазарту

Мал денесін тазарту - мал түлігінен, әдетте, жылқы денесін тазартады. Ол үшін тазартқыш щетка, мауыт (түкті шүберек), ат тарақ (щетканы тазалау үшін), ағаш қалып (ат тарақты тазалау үшін, үгілген сабан (қатып қалған ласты тазалау үшін), ағаш пышақ немесе тұяқ тазалайтын ілмек және тұяқтарын тазалау үшін 3-4 жылқыға бір шелек қажет. Жылқыны қысқа ағашқа байлап, сол жағынан тазалай бастайды. Басын желкеден төмен қарай, сосын құлағы мен кезінің айналасын, мойнының сол жағына, сол жақ аяқ-қолын, кеудесін, сауырын және артқы аяқ-қолдарын тазартады. Сол жақ алдыңғы аяқ-қолын тазалауды иық және иық алдынан бастап, содан соң алдыңғы сираққа көшеді. Щетканы тазалап болған соң теріде қалған шаң мен қайызғақты дымқыл түкті шүберекпен сүртеді. Шүберекті жалға қарсы жөне жалдың бағытына щетка секілді жүргізеді. Жал мен құйрығын тарайды.