Мал кездіру, серуендету

Мал кездіру, серуендету - малды ұзақ уақыт қорада ұстап бағып-күтетін шаруашылықтарда міндетті түрде жүргізілетін өндірістік шаруа. Мал кездірудің мәні белгілі уақытта қорадағы малды арнайы кең алаңға немесе серуен жолмен айдап, серуеңдетіп жүргізу. Мал кездіру - малдың тірек-қимыл, тыныс алу, қан айналу жүйелерін шынықтыру нәтижесінде тәбетін жақсартып, денсаулығын нығайтып, шаруашылыққа пайдалану мерзімін ұзарту, беретін өнімін арттыру болып табылады.Мал кездірудің нақтылы тәртібін мал маманы түліктің түріне, өнім бағытына, жас-жыныс ерекшеліктеріне сәйкес белгілейді.