Манаслу
Манаслу тауы - Непал Гималайының бөлігі ретінде Аннапурна тауының шығысында орналасқан. Бұл тау Непалдағы Ламджанг аймағындағы ең биік тау болып саналады. Манаслу өте тегіс және үшкір шың. Манаслуды кейде Кутанг деп те атайды. Манаслудағы жазық жоталар мен мұздықтар шыңға кез-келген жақтан көтерілуге мүмкіндік туғызады. Тауды жасыл орман қоршап тұр. Манаслу Гурха массивінде бой көтерген. Манаслу географиялық орналасуына байланысты әлемдегі ең биік сегіз таудың ортасында тұр. Бұл альпинистер үшін біраз қиындықтар тудырады. Манаслу шыңынан Непалдағы сегіз сегізмыңдықтардың жетеуін көруге болады. Ол - мұндай мүмкіндік беретін әлемдегі жалғыз шың. Алғаш рет 1953 жылы жапондық топ Манаслуға оның солтүстік-шығыс беткейі арқылы шығу үшін талпыныс жасады. Манаслу атауы «Мана - са» сөзінен шыққан, «Киелі Рух тауы» деген мағынаны білдіреді. 1974 жылы жапондықтардан құралған топтағы барлық әйелдер де бұл шыңға көтерілген. Олар «биіктігі 8000 метрлік шыңға шыққан ең алғашқы әйелдер» ретінде тарихта қалды. Манаслу — өлім жағдайлары жиі тіркелетің төменгі бауырайларында көшкін қауіптілігі жоғары, өте күрделі шың Манаслу — әлемдегі ең биік сегізінші тау.
| Шың | Биіктігі, м |
Координаталары |
|---|---|---|
| Манаслу | 8156 | 28°33′00″ с. е. 84°33′35″ ш. б. / 28.55000° с. е. 84.55972° ш. б. (G) (O) (Я) |
| Шығыс Манаслу | 7992 | 28°33′00″ с. е. 84°34′00″ ш. б. / 28.55000° с. е. 84.56667° ш. б. (G) (O) (Я) |
| Солтүстік Манаслу | 6994 | 28°35′00″ с. е. 84°33′00″ ш. б. / 28.58333° с. е. 84.55000° ш. б. (G) (O) (Я) |
Галерея[өңдеу | қайнарын өңдеу]
Солдан оңға қарай: Манаслу, Нгади-Чули, Гималчули
Мансири-Гимал, Марсъянди өзенінен қарағандағы көрініс. Сол жақтан санағанда үшінші - Манаслу
Почта маркасы, Жапония 1956 жыл, Манаслудың бағындырылуына арналады.
Дереккөз[өңдеу | қайнарын өңдеу]
1. Алматы: “Аруна” баспасы. 208 бет. Сер.:“1100 қызықты дерек”.