Мариана аралдары

Уикипедия — ашық энциклопедиясынан алынған мәлімет
Навигацияға өту Іздеуге өту
Мариана аралдары картаның оң жағындағы, Филиппин теңізінің шығыс жағында

Мариана аралдары (Marіanas lslands) — Тынық мұхиттың орталық бөлігінің батысындағы Микронезия аралдар тобына кіреді. Аумағы 1,1 мың км². 15 ірі (Гуам, Рота, Сайпан, т.б.) және бірнеше ұсақ аралдар мен рифтерден тұрады. М. а-ның солт. тармағы — жанартаулық (биікт. 965 м), оңт. — маржанды және жанартаулық аралдардан тұрады. Мұнда фосфорит, күкірт, темір және марганец, т.б. кен орындары барланған. Климаты тропиктік пассаттық. Жылдық жауын-шашын мөлш. 1800 — 2100 мм. Ылғалдың мол түсетін кезі шілде — қазан айлары. Тайфундар, жел сілкіну жиі болып тұрады. Ылғалды тропиктік ормандар (желге қараған беткейлерінде) және саванналар кездеседі. Қант қамысы, кокос пальмасы, банан, мақта, цитрустық дақылдар плантациялары бар. Мал ш., жер өңдеу, балық аулау кәсібі жақсы дамыған. Негізгі айлағы — Аганья (Гуам аралы). М. а-н 1521 ж. Ф.Магеллан ашқан. Испан королі Филипп ІV-нің әйелінің құрметіне аталған.

[1]

Дереккөздер[өңдеу | қайнарын өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том

Ортаққорда бұған қатысты медиа файлдар бар: Category:Mariana Islands
  1. Қазақ Энциклопедиясы