Маркетинг тұжырымдамасы

Маркетинг тұжырымдамасы - нарықтық экономика жағдайында кәсіпорынның, коммерциялық ұйымның өндірістк-өткізу және еңбек қызметін басқару туралы ғылыми негізделген қағидат жүйесі. Білімнің алуан түрлі салаларындағы - экономикалық теория, менеджмент, социология, эконометрия, психология, т.б. салалардағы толып жатқан іргелі және қолданбалы зерттеулердің нәтижелеріне негізделеді. Ол нарықтық айырбас заңдылықтарын, тауар өндірушінің ұдайы өзгеріп отыратын экономикалық жағдайларға бейімделу қағидаты мен әдістерін зерделейтін ерекше ғылыми пән ретінде қалыптасты.