Марк-Вивьен Фоэ

Марк-Вивьен Фоэ
сурет
Жалпы мағлұмат
Туған күні	1 мамыр 1975 (1975-05-01)
Туған жері	Яунде, Камерун
Қайтыс болған күні	26 маусым 2003 (2003-06-26) (28 жас)
Азаматтығы	Камерун
Бойы	188
Позиция	жартылай қорғаушы
Жастар клубы 1991—1992 Юнион Гаруа 1992—1994 Фогапе Клуб карьерасы 1994 Канон Яунде ? (?) 1994—1998 Ланс 85 (11) 1998—2000 Вест Хэм Юнайтед 38 (1) 2000—2002 Олимпик Лион 43 (3) 2002—2003 →  Манчестер Сити 35 (9) Ұлттық құрамы 1993—2003 Камерун 64 (8)

Марк-Вивьен Фоэ (фр. Marc-Vivien Foé; 1 мамыр 1975, Нколо, Камерун — 26 маусым 2003, Лион, Франция) — камерундық футболшы, жартылай қорғаушы. 2003 жылғы Конфедерациялар кубогының жартылай финалындағы Камерун-Колумбия матчы барысында жүрек талмасынан құлап, көп ұзамай қайтыс болды. Қайтыс болған соң сол турнирдің күміс жүлдесімен марапатталды. "Манчестер Сити" клубы Фоэның құрметіне 23-нөмірлі жейдені ешкімге кигізбеуге шешім қабылдады.

Өмірбаяны

Карьерасын "Канон Яунде" клубында бастап, 1994 жылы "Лансқа" ауысты. 1998 жылғы әлем чемпионатында Фоэ Камерун құрамасының негізгі ойыншысы боп үлгерді де, "Манчестер Юнайтедке" ауысуға мүмкіндігі болғанымен, жарақаты кедергі болды да, ол трансфер жүзеге аспады.

Кейін "Лион", "Манчестер Сити" секілді топ-клубтарда доп тепті.

2003 жылғы Конфедерациялар кубогында да Фоэ жетекші ойыншылардың бірі болды, Камерун Бразилияның өзін ұтып кетті — 1:0.

Жартылай финалда Камерун Колумбиямен кездесті. 71-минутта күтпеген жерде есінен танып құлады да, дәрігерлердің арпалысқаны шипа бермей, 45 минуттан соң өмірден өтті. Финалдағы Камерун - Франция (0:1) кездесуінде футболшылар алаңға "Фоэ" деген жазуы бар жейдені киіп шықты.

Жетістіктері

• Франция чемпионы (2): 1997/98, 2001/02
• Франция лига кубогы (2): 1998/99, 2000/01
• Камерун кубогы (1): 1993
• Африка Ұлттар кубогының жеңімпазы (2): 2000, 2002
• Конфедерациялар кубогының финалисі (1): 2003

Сілтемелер

• Футболшының профилі