Марфуға Бектемірова

Уикипедия — ашық энциклопедиясынан алынған мәлімет
Jump to navigation Jump to search

Марфуға Бектемірова[1] 1958 жылы 26 қыркүйекте Көкшетау облысындағы Еңбекшілдер ауданының Прогресс (ескі Макинка) ауылында дүниеге келген. Қазақ мемлекеттік университетінің журналистика факулътетін бітірген. Уәлиханов, Зеренді аудандық және облыстық «Көкшетау правдасы» газеттерінде, Қостанай облыстық радиосында тілші болған. Қостанай облыстық әкімшіліғінің ішкі саясат бөлімінде қазақ тілі, ономастика, ұлт саясаты және көші-қон жөніндегі жауапты маман болып қызмет атқарған, республикалық «Ана тілі» ғазетінің осы облыс бойынша меншікті тілшісі, Қазақстан Жазушылар одағы Қостанай облыстық филиалының директоры болған. Қазір «Есіл» қоғамдық-саяси газетінің Бас редакторы.

Еңбегі[өңдеу]

Өлеңдері «Жыр тәңірі», «Тың тынысы», «Көңіл әуендері», «Арман қанатында», «Қарлығаш» атты ұжымдық жинақтарға енген. «Жанары жәудір дүние», «Айдыным менің», «Ғашық жүрек», «Еңлікгүл», «Менің Атлантидам», «Аққуым менің қайдасың?», «Озера души», «Белый парус мечты» жыр жинақтарының авторы. Ақынның аударуымен «Жыр жауһар» сериясымен Айна Ахматованың өлеңдері кітап болып жарық көрді.

Жетістіктері[өңдеу]

Ақын республикалық «Жігер» фестивалінің лауреаты, Абайдың 150 жылдығына арналған жыр мүшәйрасының, Қазақстан Республикасы Мәдениет және ақпарат министрлігі, «Қазақмыс» корпорациясы ұйымдастырған «Отанымыздың Тәуелсіздігіне тарту» тақырыбына өткен бай-қаудың жүлдегері. Қазақстан Республикасының Мәдениет және ақпарат министрлігінің «Мәдениет қайраткері» белгісімен, «Астанаға 10 жыл» мерекелік медалімен марапатталған. Қостанай облысы әкімінің арнайы сыйлыгының лауреаты.[2]

Дереккөздер[өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл
  2. “Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6