Мата сұрыптауыш машина

Мата сұрыптауыш машина — тоқылып әр түрлі өңдеулерден өткен маталарды сұрыптауға әрі ұзындығын есепке алуға арналған машина. Мата рулоннан немесе біліктен тар-қатылып резинамен қапталған біліктерді орап өтіп бақылау үстелінің үстімен жылжиды. Бақылау үстелінің беті әйнектен жасалып оның астына күндізгі жарық шамы орнатылған. Мата бақылау үстелінде тексеріліп өткен соң қабылдауыш үстелдің үстіне жиналады. Матаны кері бағытта жылжытып қарауға да болады. Ол үшін біліктер кері бағытта айналдырылады. БУ-2 М. с. м-сы минутына 48 м матаны тексеруге мүмкіндік береді.

^[1]