Материалдық активтер

Материалдық активтер – заңды немесе жеке тұлғалардың ақшалай құны бар заттай нысандағы меншігі.
Олар:

• меншіктегі жер;
• өндірістік және бейөндірістік мақсаттағы үймереттер мен ғимараттар, әкімш. үймереттер;
• тұрғын үйлер‚ оқу‚ балалар‚ емдеу‚ сауықтыру‚ спорт үймереттері мен үй-жайлары және кәсіпорынның балансындағы өзге де үймереттер‚ үй-жайлар, орнатылған және орнатылмаған өндірістік жабдықтар, бейөндірістік мақсаттағы жылжитын мүлік, шикізат‚ отын‚ дүмбілзат (қоймалардағы‚ цехтардағы‚ жолда келе жатқан)‚ дайын өнім қорлары;
• жалға берілген мүлік‚ негізгі құрал-жабдық‚ жер телімдері‚ заңи тұлға мәртебесі болмаса‚ баланстары бас кәсіпорынның балансынан ажыратылмаса‚ кәсіпорынның қарамағындағы бөлімшелер‚ еншілес кәсіпорындар.

М. а. ұдайы өндірілетін М. а. (материалдық айналым қаражатының қорлары‚ негізгі қорлар‚ материалдық және көркем құндылықтар), ұдайы өндірілмейтін М. а. (жер‚ жер қойнауы) түрлеріне бөлінеді.