Мәшә Аллаһ

Машалла, (араб.: مَا شَاءَ ٱللَّٰهُ‎) Алланың қалағаны болды деген мағынаны білдіреді. Бұл сөз көбіне таңданған не қуанған жағдайда айтылады. Мәселен, бір жақсы хабарды естігенде немесе керемет нәрсені көргенде Алланы ұлықтау, шүкіршілік ету мағынасында қолданылады. Сондай-ақ М. ұғымы ақида (сенім-наным) түсінігінде адамның Алла белгілеген тағдырына ризалығын білдіреді. Ислам діні бойынша барлық нәрсе Алланың құдіреті мен қалауы нәтижесінде болады. Бұл сенім Құран Кәрімдегі: “Расында Раббың қалағанын орындаушы” (һуд, 107), “Алла тағала әр нәрсеге құдіреті жетуші” (Бақара, 20) деген аяттарға негізделген. А. Махат

^[1]