Мағираш Сарикова

Мағираш Сарикова (23.11.1939 жылы туған, Қызылорда облысы Қармақшы ауданы Ақтөбе ауылы) - ақын. ҚазҰУ-ды бітірген (1963). 1955-1958 жылдары аудандық "Қызыл ту" газетінде әдеби қызметкер, 1963 жылдары Қазақ теледидарында, "Қайнар" баспасында, Кітап палатасында "Денсаулық" журналында редактор болып қызмет істеген. Алғаш өлеңдері 1959 жылы "Жас қанат" атты ұжымдық жинаққа енген. 1964 жылы "Студент қаламы" жинағы жарыққа шыққан. "Сырдария", "Сені сыйлаймын", "Сезім пернелері", "Қарагөз", "Майда", "Қос қағыс", т.б. жыр кітаптарының авторы. "Қазақ совет поэзиясының антологиясында" (1970) "Айтыс" кітабының 3-томына (1960), "Чудесный сад" (1980) орысша жинақ, "Бес ғасыр жырлайды" (2002), "Бес ғасыр жырлайды" (2003) таңдамалы жыр кітаптарына бір топ өлеңдері енген.