Мақсатты бағдарламалау

Мақсатты бағдарламалау - жоспарлау мен басқарудың бағдарламалық-мақсатты әдістері — жоспардың мақсаттары бағдарламалау көмегімен ресурстармен байланыстырылатын әдістері. Бұл әдістер жүйелі тәсілдерді қолдану болып табылады және экономикалық даму мақсаттарын тұжырымдауға негізделген. Бұл орайда олар ішкі мақсаттарға таратылып, бөлшектеледі және оларды үйлестіріп, іске асыру үшін қажетті ресурстар анықталады. Мақсатты әдіс кестелер теориясы аппаратын пайдаланады. Ол екі кестеден — “мақсаттар шежіресі” мен “ресурстар шежіресінен” құралады. ЭЕМ-ның көмегімен олар бойынша жасалған есептеулер нәтижесінде өзекті бағдарламалар анықталады, сөйтіп, күш пен қаражатты осы негізгі бағдарламаларға бағыттау қажет болады. Бағдарламалардың ықтимал нұсқаларын бағалап, таңдау жұмысы арнаулы тәсілдердің (мысалы, бағдарламалық қалыптамалардың) көмегімен түрлі нысаналар (мысалы, тиянақталған ақырғы көрсеткіштерге сүйене отырып, бағдарламаны іске асыруға жұмсалатын ең аз шығын мен уақытты анықтау) бойынша жүргізіледі.