Мақсат Мәлікұлы Толықбаев

Мақсат Мәлікұлы Толықбаев
Толықбаев, 2023 жыл
Лауазымы
Ту Қазақстан Республикасы Парламенті Мәжілісінің VIII сайланым депутаты Ту
28 наурыз 2023 жылдан бастап
Өмірбаяны
Партиясы	Аманат
Білімі	1) Қазақ ұлттық университеті 2) С. Аманжолов атындағы Шығыс Қазақстан университеті
Ғылыми дәрежесі	Әлеуметтану ғылымдарының магистрі
Дүниеге келуі	4 сәуір 1988 (1988-04-04) (36 жас) Күршім, Күршім ауданы, Шығыс Қазақстан облысы, Қазақ КСР, КСРО
Әкесі	Мәлік
Анасы	Алмагүл[дереккөзі?]
Балалары	3
Марапаттары	Құрмет ордені

Мақсат Мәлікұлы Толықбаев (11 сәуір 1988 жыл, Күршім, Күршім ауданы, Шығыс Қазақстан облысы) — қазақстандық саясаткер, журналист, 2023 жылдан бері Қазақстан Парламенті Мәжілісінің 8-сайланым депутаты.

Өмірбаяны

1988 жылғы 11 сәуірде Шығыс Қазақстан облысы, Күршім ауданы, Күршім ауылында дүниеге келген. Найман тайпасындағы Қаракерей руынан шыққан. Жастайынан оның тәрбиесіне әжесі араласты. Әкесі Мәлік – еңбек мұғалімі, ағаш шебері, анасы Алмагүл – дәрігер.^{[дереккөзі?]}

2010 жылы Әл-Фараби атындағы Қазақ ұлттық университетінің журналистика факультетін бітірген. 2016 жылы әл-Фараби атындағы Қазақ ұлттық университетінде магистратураны аяқтап, әлеуметтану ғылымдарының магистрі дәрежесін алды.

2020 жылы С. Аманжолов атындағы Шығыс Қазақстан мемлекеттік университетінің заң факультетін бітірді.

Жастайынан спортқа құмар болып, жүгіру мен жеңіл атлетикадан спорт шебері атанды.

Мансабы

2009–2010 жылдар аралығында 31 телеарнадағы «Замандстар» бағдарламасында жүргізуші және редактор болып жұмыс істеген.

2011–2019 жылдар аралығында Алматы қаласындағы 31 телеарнасының «Информбюро» жаңалықтар қызметінде тілші, диктор және редактор қызметтерін атқарған.

2019–2020 жылдары ол «Еуразия» бірінші арнасының «Басты бағдарлама» апталық-сараптамалық хабарламаның жүргізушісі, редакторы болды.

2020–2022 жылдары Толықбаев «Qazaqstan» телеарнасындағы «Ашық алаң» саяси-қоғамдық ток-шоуының жүргізушісі-продюсері болып істеді.

2022 жылдан бастап «Хабар» Агенттігі» АҚ-да «Біздің мақсат» саяси-қоғамдық ток-шоуының жүргізушісі болды.

Депутаттық қызметі

2023 жылғы 28 наурыздан бастап — Қазақстан Республикасы Парламенті Мәжілісінің VIII сайланым депутаты. «Аманат» партиясының партиялық тізімі бойынша сайланды. 29 наурызда Мәжіліс Экономикалық реформа және өңірлік даму комитетінің мүшесі болып тағайындалды.

Марапаттары

• Құрмет ордені (2021)
• Қазақстан Президентінің БАҚ саласындағы грантының иегері (2021).
• «Үздік тележүргізуші-2016», «Халық сүйіктісі-2020», «Адал тұлға-2021» номинацияларының жеңімпазы.