Мегақоғам

Мегақоғам (ғаламдық адамдық қауымдастық) - қоғамдық тұрмыстың жаңа сапасы әлеуметтік-саяси ұйымның дәстүрлі түрін ұстанумен бүркемеленетін ғаламданудың алғашқы сатысының анық-қанығын анықтауға арналған ұғым. Ықпалдасудың осы кезеңінде тұрмыстың көптеген салалары ұлттық шеңберден шығып, ал саяси институттар өзгеріссіз қалады. Сондықтан да, мегақоғам идеясы аясында қазіргі бар ұлттық-мемлекеттік құрылымдар азды- көпті дербестігін сақтаған ғаламдық қауымдастық құруға баса назар аударады. Мегақоғам өмір сүріп отырған қоғамдарды бұзбай, оларды өзіндік ішкі қисынына сәйкес біртіндеп, түрлендіріп, сіңіріп алады. Ол қалыптасқан тұрмыс түрлерін құрылыс жарақтарындай пайдалана отырып, бірте-бірте құрылады. Мегақоғамның қазіргі бар қауымдастықтарды сыналастыратын алдын ала ойластырылған үлгісі жоқ: мегақоғам олардан анағұрлым күшті әрі ұйымдасқан тарихи процесс субъектілерінің ықпалымен пайда болады. Даму нұсқаларынан едәуір шынайылыққа жақыны мегақоғамның ғаламат, көбіне ғаламдық желілердің ықпалдасуының бөгеттер мен кедергілердің үстінен өтетін сұрапыл процесс ретінде қарастырылуы. Оның қалыптасуы қазіргі адамзаттың ұлттан жоғары деңгейде ресурстар мен күштерді үйлестіруін талап ететін фундаменталды мәселелерін қарастырып, шешімін іздестіру түрінде көрінеді.