Мергул Берікболова

Мергул Берікболова (5.12.1961 жылы Семей облысы Жарма ауданы Жарма станциясы) тележурналист. ҚазМУ-ні бітірген (1985 жылы) .

1985-1990 жылдары Өскемен телестудиясында редактор, 1990-1992 жылдары "Айдын" шығармашылық бірлестігінің аға редакторы, 1997-1998 жылдары "Хабар" агенттігінің Шығыс Қазақстан облысы бойынша меншікті тілшісі, 1999-2005 жылдары "Жас Алаш" газетінің Шығыс Қазақстан облысы бойынша меншікті тілшісі; 2005 жылы "Айқын" газетінің Шығыс Қазақстан облысы бойынша үйлестіруші меншікті тілшісі. Өскемен телестудиясында істеген жылдары қыз-келіншектерге арналған "Құралай", жастарға арналған "Жолдас", өзекті мәселелерге арналған "Күн тақырыбы" және "Алтай" ақпаратты бағдарламасының авторы әрі жүргізүшісі болды. Қазақстан Журналистер одағының мүшесі (1986 жылы), "Жас Алаш" газетінің "Жыл журналисі" (1999 жылы), 2007 жылы облыс әкімі сыйлығының лауреаты (2007 жылы), облыс әкімінің Алғысхатымен марапатталған (2009 жылы).Қазақстан Республикасы Президент сыйлығының иегері,Республикалық Нұр Отан халықтық демократиялық партиясы "Нұрсұңқар" байқауының жеңімпазы (2010 жыл). Мәдениет және қоғам қайраткері.Қазақстан Республикасының Тәуелсіздігінің 20 жылдығына орай медальмен марапатталған.Белгілі журналист, қарымды қаламгер Мергүл Мырзағалиқызы Қазақстан журналистика саласында, бұқаралық ақпарат айдынында өзінің өзекті мақалалары, тамаша очерктері, мықты телевизиялық сюжеттері арқылы танылған. Әсіресе тіл мәселесі, тұрмысы төмен отбасылардың мұң-мұқтажы жайында жазылған сюжеттері, индустриялды инновациялық бағдарламалар жайында жазылған зерттеу материалдары, Елбасының "Болашаққа бағдар: Рухани жаңғыру" бағдарламасы жайында жазылған өзекті мақалалары бар. Сонымен қатар журналист Қытай, Монғолия, Мысыр,ҰлыБритания, Ресей, Өзбекстан, Қырғызстан мемлекеттерінде де болып, арнайы репортаждар, телевизиялық сюжеттер әзірлеген.