Меркі қант зауыты

Меркі қант зауыты – агроөндірістік кәсіпорын, Меркі ауданының орталығы Меркі ауылында орналасқан. Бағалы техникалық дақыл – қант қызылшасын өңдеуден өткізеді. 1934 ж. іске қосылған.

Зауытты алғашқы жылдары А. К. Череватенко басқарды. Кәсіпорын директоры П.С. Холодовқа еңбектегі жоғары көрсеткіштері үшін Социалистік Еңбек Ері атағы берілді. 1960 ж. қант зауыты қайта жөндеуден өткізілді. Бұрынғы бу машиналарының орнына жылу электр станциялары салынды. Соңғы жылдары тоқтап қалған кәсіпорын облыс әкімі С.Ә. Үмбетовтің тікелей көмегінің нәтижесінде 2003 ж. қайта жұмыс істей бастады. Қазіргі кезде қант зауыты тәулігіне 3500 т қант қызылшасы мен 600 т қант шикізатын өңдеп, 500 – 550 т қант өндіреді. Кәсіпорында 800-ден астам адам еңбек етуде.