Мигматит

Уикипедия — ашық энциклопедиясынан алынған мәлімет
Jump to navigation Jump to search

Мигматит (грек. mіgmatos – араластыру, қоспа) – құрамы мен құрылысы күрделі тау жынысы; кварц-далашпатты оқшау агрегат пен метаморфтық субстраттан құралған. Кварц-дала шпатты агрегат лейкосома деп аталады, ол құрамы жағынан гранитке ұқсайды.
Метаморфтық субстрат палеосома деп аталады, ол гнейс пен амфиболитке жақын. Лейкосома мен палеосомалардың өзара қатынасы бойынша мигматиттің мынадай түлері бар: артерит – қабатты, птигматит – қатпарлық, диктионит – бұтақтық, агматит – кесектік, небулит – тұмандық.
Мигматиттер жер қыртысының терең қабаттарында шөгінді және магмалық жыныстардың күшті метаморфизмге ұшырауынан, граниттенуінен кембрийге дейінгі қат-қабаттарында түзіледі. Олар Балтық, Шығыс Сібір қалқандарында кездеседі. Мигматиттер магманың қоршаған метаморфтық жыныстарға енуінен, аймақтық кремний-сілтілі метасоматоз процесінен, метаморфтық жіктелу әсерінен қалыптасуы мүмкін. [1]


Пайдаланылған cілтемелер[өңдеу | қайнарын өңдеу]

  1. Қазақ Энциклопедиясы