Мимомис

Мимомис (Mіmomуs) – кемірушілер отрядына жататын аламандар тұқымдасының бір туысы. Бұлар кайнозой эрасының соңында шамамен 1 – 4 миллион жыл бұрын Еуропа, Азия және Солтүстік Америка құрлықтарында тіршілік еткен. 20-ға жуық түрлері белгілі. Бұлар – тарамдалған тамырлы тістері бар дала тышқандары. Түрлері тістерінің ерекшеліктерімен анықталады. Жоғары жақ тістерінің түпкілері 2 – 3 тамырлы, ал төмен түпкі жақ тістерінің алдыңғы және артқы тамырлары бір-бірімен бірігіп кеткен. Қазақстанның солтүстік аудандарында (Ертіс, Бетеке, Сілеті, Иманбұрлық, Шар өзендерінің бойында) және оңтүстік - шығыс аудандарында (Киікбай, Адырған өзендерінің бойында) плиоцен кезеңінің шөгінді қабаттарынан табылған 10-нан астам түрлері анықталған.^[1]