Миналау

Уикипедия — ашық энциклопедиясынан алынған мәлімет
Jump to navigation Jump to search
мина ПМН

Миналауминаланған алаңдар жасау, қарсыласты шығынға ұшырату, маневрін қиындату және құрылыстарын қирату мақсатында миналар тобын және жеке миналарды қою. Негізінен инжинер әскерлер күшімен ұрыс қимылдарына дайындық кезінде немесе оны жүргізу барысында жүзеге асырылады. Миналау шабуылдаушы әскердің қанатын тасалау, қарсы шабуыл мен қарсы соққыны тойтару және басып алынған шептерді нығайту үшін жасалады. Қорғаныста Миналау әскерлердің позициясын, қанаттарын, аралық әскерлер орналасып үлгермеген тораптарды қажет болған жағдайда өзінің қорғаныс аумағындағы аса маңызды нысандарды қорғау үшін, дұшпан күштерінің шоғырлануын және алғы шептегі шабуылын қиындату, оны шығынға ұшырату, қорғаныс шебін бұзған жағдайда жау маневрін қиындату мақсатында қолданылады. Миналау жалпы әскер командирінің шешімі бойынша жасалады. Миналау қолмен немесе механикалық құралдарды пайдалану арқылы, сондай-ақ миналарды үлкен қашықтыққа жеткізе алатын және оларды алаңға шашырата алатын ракеталар мен артиллерияның көмегімен нысаналарға жеткізіледі. Алаңдарда Миналау қарсыластарға қарсы жарылғыш тосқауылдар жасауға көмектеседі.[1][2]

Сілтемелер[өңдеу]

Дереккөздер[өңдеу]

  1. Қазақ энциклопедиясы, 6 том
  2. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001