Минаторпедалық авиация

Минаторпедалық авиация (мта) (орысша.Мино-торпедная авиация) — 20 ғасырдың 70 жылдарына дейінгі әскери-теңіз флоты авиациясының бір түрі. МТА-ның негізгі кызметі — теңіздегі және орналасу пункттеріндегі кемелерді жою және миналы бөгеттер қою. Екінші дүниежүзілік соғыста және одан кейінгі шағын соғыстарда Минаторпедалық авиация жағалау аэродромдарындағы авиацияны жою және қарсыластың жағалаудағы әр түрлі құрылыстарын қирату үшін пайдаланылды. Минаторпедалық авиацияның басты ұрыс құралдары — авиациялық торпедалар мен миналар, авиабомбаларды да пайдаланады. Екінші дүниежүзілік соғыс кезінде тәрпедаларды, миналарды, авиабомбаларды шағын және үлкен биіктіктен қолдана алатын нысананы ұшақтар қолданыла бастады. Соғыс барысында Минаторпедалық авиация қимылдарынын негізгі тәсілдері соққыларды шоғырландыру, эскадрильялар мен звенолардың біртіндеп соққылауы, қарсылас кемесін теңізде жеке ұшақтармен немесе ұшақтар тобымен іздеу, барлауда табылған кемелерді жоюға дайыл күйінде аэродромда кезекшілік ету болып табылады. Соғыстан кейінгі кезеңде Минаторпедалық авиация құрамында поршеньді көп нысаналы Ил-4, Ту-2, ТУ-14 және ТУ-16 ұшақтары пайда болды.