Мирослав Клозе

	Мирослав Клозе
Жалпы мағлұмат
Толық аты	Мирослав Йозеф Клозе
Лақап аттары	Миро
Туған күні	9 маусым 1978 (46 жас)
Туған жері	Ополе, Польша
Азаматтығы	Германия
Бойы	183
Салмағы	82
Позиция	шабуылшы
Клуб жайлы ақпарат
Клуб	Бавария
Қызметі	бапкер (U-17)
Жастар клубы
Жастар клубы
1987—1998	Блаубах-Диделькопф
Клуб карьерасы
Ұлттық құрамы
Бапкерлік карьерасы
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Мирослав Клозе^[2] (9 маусым 1978 жыл, Ополе, Польша) — германиялық футболшы. 2001 мен 2014 жылдар аралығында Германия Ұлттық футбол құрамасының үздік шабуылшысы. 2014 жылғы Футболдан әлем чемпионатында құрама сапында 16-шы голын соғып, әлем чемпионатының рекордсмен-шабуылшысы атанды. 2016 жылы "Лацио" сапында ойнап жүріп карьерасын аяқтады. Қазір Германия құрамасының бапкері Йоахим Левтің көмекшісі болып қызмет атқарады.

Әлем чемпионаттарының тарихында 4 медальға ие болған жалғыз футболшы (ӘЧ 2002 күміс, 2006 және 2010 қола, 2014 алтын).

Карьерасы

Клозе Польшаның Ополе қаласында дүниеге келді. Әкесі футболшы, анасы гандболшы болған. Анасы поляк, әкесі неміс.

1998 жылы карьерасын Германияның бесінші дивизионындағы "Гомбург" клубында бастады. Бір маусымда 11 гол соғып, "Кайзерслаутерн" скауттарының көзіне түсті. 1999 жылы жазда "Кайзерслаутернмен" келісім шарт жасасты. 1999/2000 жылғы маусымда 36 кездесуде 11 гол соқты.

2002/03 жылғы маусым қарсаңында Клозені қатарына қосқысы келетін клубтар көбейгеніне қарамастан, "Кайзерслаутернде" қалды. Бұл шешімі аса сәтті болмады, клуб қаржылай қиындықтарды бастан кешіріп жатты. Интертото кубогының үшінші раундында "Кайзерслаутерн" күтпеген жерде "Теплицеден" ұтылып қалды. 2003/04 жылғы маусымда да команда жарқыраған жоқ, керісінше аутсайдер клубқа айналды да, Клозе клубтан кетудің әрекетін жасай бастады.

2004 жылы жазда Клозе "Вердерге" ауысты.

2007 жылы жазда "Бавариямен" келісім шарт жасады. 2007/08 жылғы маусымда Клозе 20 гол соқты. Транфер 15 млн. еуроға іске асты. 2009 жылы клубқа Марио Гомес пен Лука Тони келген соң Клозе мүлде алаңға шыға алмай қалды.

2011 жылы Клозе "Лациоға" ауысты. Бес маусым ойнап, 2016 жылы карьерасын аяқтады.

Жетістіктері

Командалық

«Вердер»

Неміс лигасының кубогы: 2006

«Бавария»

Германия чемпионы (2): 2007/08, 2009/10
Германия кубогы (2): 2007/08, 2009/10
Неміс лигасының кубогы: 2007
Германия суперкубогы: 2010
УЕФА Чемпиондар Лигасының финалисі: 2009/2010

«Лацио»

Италия кубогы: 2012/13

Германия

Әлем чемпионатының күміс жүлдегері: 2002
Әлем чемпионатының қола жүлдегері: 2006, 2010
Еуропа чемпионатының күміс жүлдегері: 2008
Еуропа чемионатының қола жүлдегері: 2012
Әлем чемпионы: 2014

Жекелей

Әлем чемпионаттары тарихындағы үздік мерген: 16 гол
Германия құрамасының үздік мергені: 71 гол
ӘЧ-2006 "Алтын бутсы" иегері
Германиядағы жыл футболисі: 2006
Германия Бундеслигасының үздік мергені: 2005/06

Дереккөздер

[club-2] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-3] Ресми матчтарда ұлттық құрамда болған ойындары мен голдар саны.

[1] Miroslav Klose

[4] List of Players – FIFA World Cup South Africa 2010.

[1]

[* 1]

[* 2]

[2]