Михаил Михайлович Медведев

Уикипедия — ашық энциклопедиясынан алынған мәлімет
Jump to navigation Jump to search

Михаил Михайлович Медведев(15.8.1923, Ресей, Самара облысы,Бор ауданы,Коноваловка селосы - 22.10.1977, Семей қаласы) - 2-дүниежүзілік соғысқа қатысушы, сапер, гвардия ефрейторы,орыс. Соғысқа дейін шахтер болған. Кеңес әскері қатарына 1942 жылы шақырылып, сол жылдың шілдесінен Дала майданына қарасты 7-гвардиялық армияның 78-гвардиялық атқышар дивизиясы 89-жеке гвардиялық саперлер батальоны құрамында Ұлы Отан соғысына қатысқан. 1943 жылы 25 қыркүйекке қараған түні Медведев десанттардың шағын жауынгерлер тобын қайықпен Днепрдің оң жағалауына (Украина, Днепропетровск облысы,Верхнеднепровск ауданы,Домоткань селосының маңы) өткізіп, жаудың 6 қайығын басып алды. Днепрден атқыштар бөлімшелерінің өтуіне қолайлы жағдай туғызды. Басып алған плацдармды қорғап, жау шабуылдарын тойтаруға қатысты. Медведевке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (26.10.1943). Соғыстан кейін Семей қаласында тұрып, ет комбинатында жұмыс істеді. Ленин, Қызыл Ту,1-дәрежелі Отан соғысы ордендерімен, медальдармен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х