Михаил Романович Перепечин

Уикипедия — ашық энциклопедиясынан алынған мәлімет
Jump to navigation Jump to search

Михаил Романович Перепечин(24.4.1924 жылы туған, Ресей, Қорған облысы,Петухов ауданы,2-Новогеоргиевка селосы) - 2-дүниежүзілік соғысқа катысушы, лейтенант,орыс. Соғысқа дейін Первоуральск қаласы зауытттарының бірінде жұмыс істеген. 1942 жылы күзде Кеңес әскері қатарына шақырылған. Жауынгерлер арасында жақсы шыныққандығымен, ширақтығымен ерекшеленген оны барлаушылар даярлайтын бөлімге жіберді. 1943 жылы 163-Ромнен-Киев жаяу әскер дивизиясының 759-полкінде барлаушылар взводы командирінің орынбасары болған. Перепечин 40-армияның құрамында Дала және 2-Украина майдандарындағы ұрыстарға қатысты. Ол 1944 жылы13 наурызда барлаушылар тобы мен Ладыжин қаласы (Винницкий облысы) тұсында алғашқылардың бірі болып Оңтүстік Буг өзенінен өтті. Оң жағалауда жау әскерімен ұрыс жүргізіп, басқа бөлімшелердіц өзеннен өтуіне ықпал жасады. КСРО Жоғарғы Кеңесі Торалқасының Жарлығымен Кеңес Одағының Батыры атағы, Ленин ордені және «Алтын Жұлдыз» медалі берілді (13.9.1944). 3-дәрежелі Даңқ, l-дәрежелі Отан соғысы ордендерімен марапатталған. 1945 жылы кіші лейтенанттар курсын бітіріп, екі жыл әскери қызметте болды. Әскер қатарынан босатылған соң туған еліне келіп, Петухов ауданы комсомол комитетінде нұсқаушы, кейіннен шаруашылықтарда басшылық кызметтерде болды. 1962 жылы Перепечин Алматы қаласына қоныс аударып, коммуналдық шаруашылық саласында бөлім бастығы, кейін Алматы құрылыс-жөндеу тресінде жұмыс істеді. 1968 жылы зейнеткерлік демалысқа шықты.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х