Мойыл

Prunus Padus (синоним Padus racemosa (Плач) Gilib.). Цветы и листья. Россия, г. Ухта. Отсканированные. Черёмуха обыкновенная, соцветия, листья. Россия, Ухта.

Мойыл (Padus) – раушангүлділер тұқымдасына жататын ағаштар және бұталар. Қазақстанның барлық аймақтарында таралған. 2 түрі бар. Жиі кездесетін түрі – кәдімгі мойыл (Padus racemosa). Оның биіктігі 10 – 17 метр, бұтақ шоғыры қалың, жайқалып тұрады. Жапырағы сопақша, кезектесе орналасқан, жиегі ара тісті. Гүлдері ұсақ, ақ, кейде қызғылт түсті, 8 – 12 см-дей болатын шашақ гүлшоғырына топтанған. Жемісі сүйекті, қоңыр, қызғылт, қара түсті. Мамыр – маусым айларында гүлдеп, шілде–тамызда жеміс салады. Мойылдан бояуыш зат және дәрілік препараттар алынады. Балды және әсемдік өсімдіктер. Сүрегі мықты, ағаш өңдеу шауашылығында қолданылады. Жемісімен құстар қоректенеді. Мәдени түрде де өсіріледі.

С. Арыстанғалиев

Сілтемелер

• Padus
• кәдімгі мойыл
• раушангүлділер тұқымдасы