Моңғол барқыттүсті көбелегі

Моңғол барқыттүсті көбелегі — Сенница монгольская Coenonympha mongolica Alpheraky,1881. Барқыттүсті көбелектерге жатады. Сирек кездесетін түр. Жекелеген бөліктерге бөлінген таралу аймағы өте тар. Тянь-Шань жергілікті түрі. Туыстың бояуы өзгеше ең ірі түрі. Қазақстанның тек оңтүстік-шығыс бөлігінде (Iле өзені аңғары мен шекаралас аудандарда) кездеседі. Сонымен қатар Батыс Қытайда Құлжа қаласының маңынан белгілі. Таралу аймағының өзгеруі жайлы мәліметтер жоқ.Шөлді аймақтың өзен жайылмаларында тіршілік етеді. Кендір, жиде,бөріқарақат өскен астық тұқымдасты жерлерді ұнатады. Жылына бір рет ұрпақ береді.Көбелектер маусымда ұшады. Олар әдетте ұзын астық тұқымдастар арасына тығылады. Онша жақсы ұшпайды. Жұлдызқұрты шиде (Achnatherum splendens Trіn.)тіршілік етеді. Қазіргі кезде Iле өзенінің жайылмасында адам тиіспеген тоғай қалмады және олардың өрт, ағаш кесу, су қоймасын құру жұмыстарынан бұзылуы одан әрі жалғасып жатыр. Түр Шарын өзенінің жайылмасында реликті шаған тоғайында қорғалады.